“არ ვარ ისე გულუბრყვილო, ჩინეთს დავუჯერო, რომ ვირუსი დაამარცხა”

საფრანგეთის პრეზიდენტის ემანუელ მაკრონის განცხადებით, მას კორნავირუსთან ბრძოლაში ჩინეთის წარმატების არ სჯერა. ამის შესახებ The Financial Times იტყობინება.

„ნუ ვიქნებით ისეთი გულუბრყვილოები, რომ ვთქვათ, თითქოს ისინი ვირუსს ჩვენზე უკეთესად გაუმკლავდნენ” – აღნიშნა ემანუელ მაკრონიმ.

როგორც მან განაცხადა, არის რაღაცები, რაზეც მსოფლიომ ჯერ კიდევ არაფერი იცის.

ცნობისთვის, Covid-19-ის გლობალურ სტატისტიკაში ჩინეთმა დღეს მონაცემები განაახლა და ინფექციით გარდაცვლილად კიდევ 1 290 ადამიანი გამოაცხადა, ხოლო ინფიცირებულთა რიცხვს 351 დაემატა.