ვინც ედისონის კვლევას ენდობა, მათთვის ნათელი უნდა იყოს, რატომ იყო სწორი 6 ივლისს აქციის გაკეთება და LGBTQ დროშის გაშლა, – ამის შესახებ სოციალურ ქსელში წერს “ტაბულას” დამფუძნებელი თამარ ჩერგოლეიშვილი. მისი თქმით, ადამიანები არ არიან ცხვრები და უნდა გააგებინო, რომ შეიძლება ჩვენ ბევრი არ მოგვწონს, მაგრამ ჩვენი გემოვნება, სხვის უსაფრთხოებას არ უნდა არღვევდეს, როცა ის თავს გამოხატავს.
“ვინც ედისონის კვლევას ენდობა, მათთვის ნათელი უნდა იყოს, რატომ იყო სწორი 6 ივლისს აქციის გაკეთება და LGBTQ დროშის გაშლა. ადამიანები არ არიან ცხვრები. ადამიანებს შეიძლება გააგებინო, თუ ცხადი და ნათელი ხარ, რომ შეიძლება ჩვენ ბევრი არ მოგვწონს, მაგრამ ჩვენი გემოვნება, სხვის უსაფრთხოებას არ უნდა არღვევდეს, როცა ის თავს გამოხატავს.
ეს პრინციპის საკითხია და არა გემოვნების! ვისთვისაც ეს კვლევა სანდოა, წესით უნდა მიხვდეს, რომ ქართველები ხვდებიან თავისუფლების, სიცოცხლის და ბედნიერებისკენ სწრაფვის უფლების მნიშვნელობას. როცა ამ თემას ლაჩარივით გაურბიხარ, ივანიშვილს ეთანხმები, რომ ქართველების 95 პროცენტი უმეცარი, მოძალადე ორკია. არ უნდა დავემსგავსოთ ივანიშვილს, თუ ივანიშვილის დამარცხება გვინდა. – წერს ჩერგოლეიშვილი.
კომენტარები