საქართველოს საპატრიარქოს საზოგადოებასთან ურთიერთობის სამსახურის უფროსი, ანდრია ჯაღმაიძე, სოციალურ ქსელში ავრცელებს საპატრიარქოს განცხადებას და წერს:
” არ გამოვცადოთ უფალი, ნუ ვიქნებით უპასუხისმგებლო და არც საკუთარი თავის იმედად დავრჩეთ, შესაწევნელად მოვუხმოთ ღმერთს, რადგან “კაცთათვის შეუძლებელი შესაძლებელია ღმერთისთვის”.
საქართველოს საპატრიარქოს საზოგადოებასთან ურთიერთობის სამსახური:
საქართველოს მართლმადიდებელი ეკლესია განსაცდელის ჟამს ლოცვას აძლიერებს და სახელმწიფოსთან ერთად ცდილობს ეპიდემიასთან გამკლავებას.
„ასეთ დროს ძალიან მნიშვნელოვანია, გამოვიჩინოთ სამოქალაქო პასუხისმგებლობა და ყველამ გავითვალისწინოთ, ყველას უნდა გვეხებოდეს ეს წესები, რომ გავუფრთხილდეთ ერთმანეთს…
ერთი მხრივ, ჩვენ მცდელობას არ ვაკლებთ, რომ სიფრთხილე გამოვიჩინოთ და არც ღმერთს გამოვცდით, მეორე მხრივ კი, მხოლოდ საკუთარი თავის იმედზე არ ვართ და უფლის წყალობის დიდი სასოება გვაქვს“.
კომენტარები