გირჩის წევრი, ალექსანდრე რაქვიაშვილი:
,,სიტყვის თავისუფლება მაშინაა ღირებული, როცა ის ყველაზე ცუდი ადამიანის შემთხვევაშიცაა დაცული. არ გამოვა, რომ ვახო სანაიასთვის ოპოზიციურად განწყობილი საზოგადოება სიტყვის თავისუფლებას იცავდეს და რ2-ის თუ იმედის ჟურნალისტების შემთხვევაში არა.
ის ვიღაც დებილი, რომელმაც ონისე ცემა, დასასჯელია, როგორც ნებისმიერი მოძალადეა დასასჯელი, მიუხედავად იმისა, მოგვწონს ის თუ არა. მხოლოდ მოძალადის დასჯა გააჩერებს შემდეგ გამოშტერებულს იძალადოს სხვაზე. ხოლო იმის მტკიცება, რომ პროსამთავრობო მედიის რომელიმე ჟურნალისტია ძალადობის წახალისებაში დამნაშავე და ამიტომ ასევე დასასჯელია, ზუსტად ის ქოცობაა, რომელსაც გუშინ ვახოს შემთხევაში ვებრძოდით. ქოცები სანაიაზეც ხომ იგივეს იტყვიან, „მისმა გინებამ შეიძლება პაპუაშვილის ცემის სურვილი გაუჩინოს ვინმესო“.
ამიტომ მოძალადე უნდა იყოს დასჯილი. სიტყვის თავისუფლება კი უნდა იყოს დაცული და პირველ რიგში მაშინ, როცა ჩვენთვის არასასურველ, არასასიამოვნო რამეს ლაპარაკობენ. თორემ კარგი ადამიანების ლამაზ სიტყვებს დაცვა ისედაც არ სჭირდება.
და ბოლოს. შეიძლება ქოცების ნაწილი გამოშტერდა პროპაგანდით და იმას ვერ ხვდება, რომ თუ ვინმე “ნაცია”, ეს არ ნიშნავს, რომ მის მიმართ უსამართლობა მოსულა, მაგრამ თუ უკეთესი ქვეყანა გვინდა ასეთ ხალხს თავად არ უნდა დავემსგავსოთ. გააკეთონ უცოდინრებმა დებილური სიუჟეტები, გააკერპონ უღმერთოებმა ესა თუ ის ჩვენი წინაპარი, მაგრამ ამას მათი ციხით დასჯის მოთხოვნა კი არა, კარგი სიუჟეტი, განათლებული ადამიანები და უკეთესი იდეალები უნდა დავუპირისპიროთ.“
კომენტარები