„საშინელ ქვეყანაში ვცხოვრობთო, – სახალხო დამცველმა. როგორ უნდა მოუბრუნდეს ენა, საკუთარ სამშობლოს ასეთი საშინელი ეპითეტი რომ აკადროს?!“ – ასე ეხმაურება სახალხო დამცველის განცხადებას, სუს-ის მიერ წარმოებული ჩანაწერების გავრცელების თემაზე, ჟურნალისტი იოსებ ჭუმბურიძე.
„აქვს კი სამშობლო?! სად გაიზარდა?! ვინ გაზარდა?! მითხრეს, დედა ქართულის მასწავლებელი ჰყავსო. კარგი პედაგოგიო. მთიული თუ მოხევეო…
ჰოდა, არც რაფიელ ერისთავი წაუკითხავს, არც ყაზბეგი, არც ვაჟა-ფშაველა?! გურიიდანააო. ნოდარ დუმბაძეც არ წაუკითხავს?!“- წერს ჟურნალისტი და აღნიშნავს, რომ სამწუხაროდ მიაჩნია ფაქტი, რომ სახალხო დამცველის გადაყენება შეუძლებელია.
„თურმე, ყველას გადააყენებ – პრეზიდენტს, პრემიერ -მინისტრს, პარლამენტის თავმჯდომარეს, ამისი მოშორება კი შეუძლებელია.
ვიდრე ვადა არ გაუვაო?! არადა, როცა დანიშნეს, უკვე ვადაგასული იყო! რატომ დანიშნეს?! კი, ბატონო, რატომ აირჩიეს?!“ – წერს იოსებ ჭუმბურიძე.
ცნობისათვის, აღნიშნულ თემას ნინო ლომჯარია „პალიტრანიუსის“ გადაცემაში „პოლიტ-ქალაქი“ გამოეხმაურა.
„გამოჟონილი დოკუმენტების მოცულობამ შოკში ჩამაგდო, ნამდვილად ტოტალური მოსმენებია – საშინელ ქვეყანაში ვცხოვრობთ, ამ მასშტაბის კონტროლს, ვერც წარმოვიდგენდი,“- განაცხადა სახალხო დამცველმა.
კომენტარები