საქართველოში აქციების გამართვა ისევ აკრძალულია. საგანგებო მდგომარეობის ფარგლებში არსებული 3-ზე მეტი ადამიანის შეკრების შეზღუდვის მოხსნა, არ ნიშნავს, რომ მოქალქეებს საპროტესტო აქციის გამართვის უფლება ეძლევათ.
როგორც On.ge-ს საქართველოს დემოკრატიული ინიციატივის(GDI) იურისტმა, ედუარდ მარიკაშვილმა განუმარტა, შეკრებებისა და მანიფესტაციების აკრძალვის შეზღუდვა ცალკეა და ამიტომ საპროტესტო აქციის გამართვისათვის შეკრება-მანიფესტაციის შეზღუდვის გაუქმებაა საჭირო.
“საქართველოს მთავრობის დადგენილებით, რომლის მიხედვითაც საგანგებო მდგომარეობის პირობებშია შეზღუდვები დაწესებული, შეკრებასა და მანიფესტაციასთან დაკავშირებით შეზღუდვა ორი მიმართულებით არის დაწესებული. პირველი ეხება შეკრებებსა და მანიფესტაციებს და საგანგებო მდგომარეობის ფარგლებში და შეკრება-მანიფესტაცია სრულად არის აკრძალული. მეორეა ცალკე შეზღუდვა, რომელიც უკავშირდება 3 ადამიანზე მეტის შეკრებას. შესაბამისად, თუ საუბარია მხოლოდ 3 ადამიანზე მეტის შეკრების შეზღუდვის გაუქმებაზე, ეს ავტომატურად არ ნიშნავს იმას, რომ საპროტესტო აქციის გამართვის უფლება ეძლევათ მოქალაქეებს.
ანუ 3 ადამიანზე მეტის შეკრების აკრძალვის გაუქმებასთან ერთად თუ არ გაუქმდება ცალკე კიდევ შეკრებებისა და მანიფესტაციების აკრძალვის საკითხი, საპროტესტო აქციის გამართვის უფლება მანამდე არ გვექნება”, — განაცხადა ედუარდ მარიკაშვილმა.
ამავე დროს, მანქანით სამი ადამიანის გადაადგილების შეზღუდვა კვლავ ძალაში რჩება.
ონ.ჯი
კომენტარები