“აქცია ტარდება იმისთვის, რომ თავიდან ავაცილოთ ხელისუფლების ძალადობრივი ცვლა” – მანჯავიძე

“კიდევ ერთხელ მინდა განვმარტო ჩემი პოზიცია.

აქცია ტარდება იმისთვის, რომ საქართველოს თავიდან ავაცილოთ ხელისუფლების ახალი ძალადობრივი ცვლა.

ხელისუფლება საქართველოში უნდა იცვლებოდეს საქართველოს კანონმდებლობის მიერ გაწერილი პროცედურით და არა საზღვარგარეთიდან შეკვეთილი სცენარით და მათი ძაღლიშვილების შესრულებით.

ქართველმა ხალხმა უნდა მოახერხოს და თავად დაამყაროს წესრიგი თავის ტერიტორიაზე და თავად მოსთხოვოს პასუხი, ვიზეც მოსათხოვნია.

აქციის მთავარი მოთხოვნებიც, სხვებთან ერთად ესენიც იქნება-სუვერენიტეტი და პლებისციტური დემოკრატია.

ცხადია, ცხოვრება გაცილებით რთულია და ვერ ჯდება ზოგიერთი იდეალისტის სქემაში, ზოგადად, პოლიტიკური იდეალიზმის უკან უფრო ხშირად არარეალიზებული ამბიციები და გაუნათლებლობა იმალება.

რაც შეეხება თეზისს, რომ აქცია არის ხელისუფლების მხარდასაჭერი-საოცარია, რომ ლიბერალური მედიის ამ თეზისს მექანიკურად ან ვითომ მექანიკურად იმეორებენ ადამიანები, ვინც ასე სწუხდა, რომ პოლიტიკური ინიციატივა ნაცებს და ლიბერალებს აქვთ და მოსალოდნელია გადატრიალება-უბრალოდ სასაცილო და მოსაბეზრებელია ეს ყველაფერი, ძველი მოტივების- უჩემოდ ვინ იმღერეთა და ვინაა ჩემზე დიდი თეორეტიკოსის არიები ახალი სახეების შესრულებით.

მე პირადად(ისევე, როგორც სხვები) არანაირ დაფნის გვირგვინებს და დივიდენდებს არ ველოდები ამ აქციიდან, როგორც წესი საქართველოში ყველა ინიციატივა დასჯადია,

აი. თავის ტკივილი კი ნამდვილად ბევრია-მაგალითად ამინდი, რომლის ძალიან ცუდი პროგნოზი დაიდო.

სხვა თავის ტკივილებზე საუბარს აღარ გავაგრძელებ, ისედაც საკმაო გვაქვს ყველას.”