“აპრილის ბოლოს უკრაინა აღმოსავლეთ ევროპაში ერთ-ერთ ყველაზე კარგად შეიარაღებულ სახელმწიფოდ მოგვევლინება” – გიორგი კობერიძე

– უკრაინულმა ანტისაჰაერო სისტემებმა ხარკივის რაიონში სამი რუსული სამხედრო თვითმფრინავის ჩამოგდება შეძლო. რუსული დანაკარგების ფონზე სავარაუდოა, რომ მოირიშე და გამანადგურებელი ავიაციის ფრენა უკრაინის თავზე პრაქტიკულად მინიმუმამდე იქნება დაყვანილი.

– იზუმის აღმოსავლეთიდან ლუგანსკის რაიონისაკენ წასული რუსული სამხედრო კოლონა დონეცკი-ლუგანსკის ადმინისტრაციულ საზღვართან განადგურდა. მათი მიზანი ლისიჩანსკისა და რუბეჟნოეს ზურგში მოქცევა იყო. რუსული ფართომასშტაბიანი შეტევა ისედაც შეჩერებულია და ახლა მცირე-მცირე კოლონებით გადაადგილებაც შეუძლებელი ხდება, რაც რუსეთს კიდევ უფრო მძიმე მდგომარეობაში აგდებს და აიძულებს შეაჩეროს ლოკალური შეტევები დაელოდოს გადაჯგუფებას და ერთიანად სცადოს შეტევა ფრონტისპირა ყველა რაიონში.

– მარიუპოლში რუსებმა პორტის დაკავება შეძლეს. მის დასაკავებლად რუსებმა ასეულობით სამხედრო და ათეულობით ჯავშანტექნიკა შეწირეს. წინააღმდეგობა კიდევ და კიდევ უფრო იზრდება რაც უფრო ღრამად შედიან რუსები ქალაქში.

– “აზოვის” ლიდერმა დენის პროკოპენკომ მიმართვა გაავრცელა და თქვა რომ საზღვაო ქვეითი ბრიგადა შიდა ალყის გარღვევის შემდგომ მათ მართლაც შეუერთდა და მიუხედავად იმისა, რომ ქალაქის მცველებს უფრო მცირე ტერიტორია უკავიათ, ვიდრე აქამდე ეკავათ, მაინც ისინი იმედით უყურებენ შემდგომ ბრძოლას და რომ რუსული შეტევა აუცილებლად იქნება მოგერიებული. ფაქტია, ქალაქის ირგვლივ კი ვიწროვდება რუსული რკალი, მაგრამ დანაკარგები იმდენად დიდი აქვს რუსეთს, რომ ამ პირობებში კიდევ შეუძლიათ დამცველებმა გაძლონ და დაიცვან ქალაქი.

– რუსები აცხადებდნენ რომ დღეს უკრაინა-რუსეთის საზღვართან, კურსკის რაიონში უკრაინელებმა რუსულ პოზიციაზე მიიტანეს იერიში. ეს ინფორმაცია რამდენად შეესაბამება სინამდვილეს უცნობია, მაგრამ ზოგადად რუსული საცეცხლე პოზიციების ნაწილი რუსეთის ტერიტორიაზე მდებარეობს, ეს კი ომის დინამიკას კიდევ უფრო რთულს ხდის.

– უკრაინელები ავრცელებენ თავიანთი არტილერიის მუშაობის კადრებს, მათ შორის ჩანს ჩეხური საარტილერიო დანადგარებიც. ნელ-ნელა უცხოური იარაღი უკრაინაში კიდევ უფრო ინტენსიურად დაიწყებს ჩასვლას.

პოლიტიკური ნაწილი:

– აშშ-ში უკრინისათვის ლენდ-ლიზის სრულმასშტაბიან ამუშვებას სერიოზულად მოეკიდნენ. კიდევ დამტკიცდა 800 მილიონიანი სამხედრო დახმარება უკრაინისათვის. ამასთან, სხვადასხვა სამხედრო მომწოდებელთანაც დაიწყო მოლაპარაკება. სავარაუდოა, რომ აპრილის ბოლოს უკრაინა აღმოსავლეთ ევროპაში ერთ-ერთ ყველაზე კარგად შეიარაღებულ სახელმწიფოდ მოგვევლინება. ყოველთვის, ახალი იარაღის მიღების შემდეგ სამი-ოთხი კვირა მაინცაა საჭირო მათი სრული ათვისებისა და საბრძოლო მიმართულებით გადასროლისათვის. ახლა კი აშშ-ში გადამზადებული უკრაინელი სამხედროები ადგილზე ინსტრუქტორებადაც კი მოგვევლინებიან, რაც ათვისების დროს კიდევ უფრო შეამცირებს.

– უკრაინაში ჩავიდნენ პოლონეთის, ლიეტუვას, ლატვიისა და ესტონეთის ლიდერები. მათი მხარდაჭერა და რუსეთის აგრესიის წინააღმდეგ ერთიანობა შესამჩნევი და ხელშესახებია. სავარაუდოა, რომ არამხოლოდ მათი გადაიარაღება მოხდება ახალი ამერიკული და ბრიტანული იარაღით, არამედ თვად ისინი იქნებიან მძლავრი ლობისტები უკრაინის აღჭურვის პროცესში. კარგია, როდესაც საიმედო მეზობელი გიმაგრებს ზურგს.”