პრემიერმინისტრი, ირაკლი ღარიბაშვილი ევროკავშირის უმაღლესი წარმომადგენელთან, ჯოზებ ბორელთან ერთად გამართულ პრესკონფერენციაზე ამბობს, რომ მართალია ნაციონალური მოძრაობა საბოტაჟს ცდილობს და ანტიეროვნული ძალაა, მაგრამ ქართული ოცნება მაინც ყველა ოპოზიციურ ძალასთან ითანამშრომლებს, პრემიერს არ უთქვამს, რომ ისაა სახელმწიფოს მეთაური და ისაა ქვეყანაში მომხდარ ყველა მოვლენაზე, მიუხედავად იმისა, ვინ ჰყავს ოპოზიციაში.
ირაკლი ღარიბაშვილი:
“სამწუხაროდ, რაც დავაკვირდით ჩვენ ბოლო ერთი წლის განმავლობაში, მას შემდეგ რაც ეს რეკომენდაციები განისაზღვრა, პოლარიზაცია არა თუ შემცირდა, არამედ პირიქით, მოიმატა. იმიტომ, რომ საქართველოში მოქმედი რადიკალური ძალები, თავისი ბუნებით, თავისი გამოცდილებით, მე ვგულისხმობ წინა ხელისუფლების პარტიას, ყველაზე ანტიევროპული ძალები, ცდილობენ საბოტაჟი მოუწყონ ამ პროცესს და სწორედ მათთვის არის ერთ-ერთი მთავარი სასპეკულაციო საგანი სწორედ ქვეყნისთვის კანდიდატის სტატუსის მინიჭება. ამას იყენებენ რადიკალური ძალები იმისთვის, რომ მოახდინონ დესტაბილიზაცია ქვეყანაში, რომ ქვეყანამ არ მიიღოს კანდიდატის სტატუსი, ამიტომ მე ხაზგასმით მინდა ვთქვა, რომ საქართველოს ხელისუფლება, მმართველი პარტია აბსოლუტურად მზად იყო, არის და იქნება მომავალშიც, რომ ვითანამშრომლოთ ყველა ოპოზიციურ ძალასთან მათ შორის, რომ საერთო, ეროვნული იდეა განხორციელდეს, საქართველო კიდევ უფრო მეტად დაუახლოვდეს ევროკავშირს, რომ ქვეყანამ მიიღოს კანდიდატის სტატუსი, ამავდროულად ჩვენთვის მთავარი პრიორიტეტი არის მშვიდობის, სტაბილურობის შენარჩუნება და კეთილდღეობის უზრუნველყოფა ჩვენი ხალხისთვის”
ღარიბაშვილის მტკიცებით, თუ რომელიმე პოლიტიკურმა ძალამ საქართველოში მიაღწია კონკრეტულ შედეგს ქვეყნის ევროინტეგრაციის გზაზე, ეს არის “ქართული ოცნება”.
კომენტარები