გერმანიის კანცლერმა, ანგელა მერკელმა ქვეყანაში კორონავირუსის გამო დაწესებული შეზღუდვები 20 დეკემბრამდე გაახანგრძლივა. აღნიშნული გადაწყვეტილება გერმანიის კანცლერმა ფედერალური მიწების ხელმძღვანელებთან შეხვედრის შემდეგ მიიღო.
„28 ოქტომბერს მიღებული ზომები კვლავ ძალაშია. ამ ეტაპზე 20 დეკემბრამდე. თუმცა, ვეთანხმებით იმ აზრს, რომ ინფიცირების მაღალი მაჩვენებლის გამო, ამ ზომების იანვრის დასაწყისამდე შენარჩუნება საჭირო გახდება“, – განაცხადა ანგელა მერკელმა.
გერმანიაში 2 ნოემბრიდან ე.წ. რბილი ლოქდაუნის რეჟიმი მოქმედებს. რესტორნები, ბარები, თეატრები, ფიტნეს-კლუბები, საცურაო აუზები, კინოთეატრები და საკონცერტო დარბაზები დაიხურა. ამასთანავე, საბავშვო ბაღები, სკოლები, საპარიკმახეროები და მაღაზიები (ჰიგიენისა და სოციალური დისტანცირების წესების დაცვის პირობით) მუშაობას განაგრძობენ.
კომენტარები