უფლებადამცველი ეკა ბესელია სოციალურ ქსელში წერს:
,,2025 წლის ბოლოა და სად უნდა შემეჯამებინე ეს წელი თუ არა ციხეში …
გადავწყვიტე გაგიზიაროთ ამჯერად ვრცლად ის ემოცია და განცდა , რაც დღეს გამოვიტანე გლდანის ციხიდან .
აქამდე ამას არ ვაკეთებდი , ან ძალიან მოკლედ ვწერდი.
ახლა კი მეც ამ წლის ემოციებს და ისტორიებს ამ დღით შევკრავ ….
დილა დაიწყო 7 საათზე და ჯერ კიდევ ბნელოდა როცა გარეთ გამოსულს თოვლი დამხვდა … გადაწყვეტილი მქონდა ახალი წლის დადგომამდე სინდისის პატიმრები მენახა და მათთვის მიმელოცა პირადად.
მოყინულ დაღმართზე ფრთხილად ჩავედი და ვფიქრობდი როგორი გამოცდაა საკუთარი თავის ყოველ ჯერზე , როდესაც გინდა გაჩერდე და ვერ აძლევ ამის უფლებას თავს სხვისი განცდის გამო … ეს სხვა ამჯერად – უსამართლოდ დატყვევებული ადამიანები არიან …
იმდენად ვჩქარობდი , რომ ორჯერ ავიარე გლდანის ციხესთან ჩასასვლელი გზა ….
უამრავი მანქანა დამხვდა და პატიმრებთან საახალწლო ნობათის შესაგზავნად დაქანცული ოჯახის წევრები….
ადვოკატი ნათია მეზვრიშვილი მელოდა და ერთად შევედით …
ჯვარს არ ვიხსნი როგორც წესი და უკვე აღარც მეკამათებიან , პირდაპირ ოქმში წერენ ( ამ წლის მიღწევა )
ავდივარ შეხვედრების ოთახში და დერეფანში ბადრაგის თანამშრომელი( ძალიან კეთილგანწყობილები არიან ) ღიმილით მეუბნება რომ ანდრო ჭიჭინაძე უკვე ამოიყვანეს და მელოდება …
შევდივარ პატარა ოთახში და მხვდება ზუსტად ისეთივე ღიმილით , როგორიც იყო დაკავების დღეებში ანუ 1 წლის წინ …
არ შეცვლია არც ღიმილი, არც კეთილი მზერა , არც განწყობა და არც საოცარი შინაგანი ტაქტი , სიმშვიდე , რომლითაც ხვდებოდა ყველა რთულ ეპიზოდს ….
საოცრად გამოხატავს სიხარულს შეხვედრის დროს და ვიწყებთ ისეთ ღრმა და საინტერესო საუბარს ყველა საკითხზე ისე , თითქოს ციხის ოთახში კი არა , ყველაზე თავისუფალ ღია სივრცეში ვისხდეთ …
მისთვის ჩვეული მორიდებით მეკითხება – გარეთ როგორი განწყობაა?
და ვპასუხობ როგორიცაა ….
ვსაუბრობთ და ვაანალიზებთ ყველა მნიშვნელოვან და ფუნდამენტურ თემას … ვხედავ რომ არა აქვს არც სიბრაზე, არც წყენა , განსაცდელს იღებს მშვიდად და გადის ღირსეულად ….
29 წელი ხდება რაც პატიმრებთან , ციხეში მაქვს პროფესიული სამუშაო გარემო და როგორი ადამიანი არ მინახავს , რა არ მინახავს და ამ უსაზღვრი პალიტრაში ანდრო გასაოცარია ამ პიროვნული ღირსებებით .
ვერ წარმოიდგენთ მართლაც როგორ ანათებს ციხის მსუსხავ და გაყინულ კედლებში და როგორი შინაგანი კულტურით ალღობს ამ კედლების სიცივეს …
არასოდეს ამბობს რომ ეს რთულია და უჭირს … თითქოს სამუშაო გარემო იცვალა
მიყვება რას აპირებს როცა გამოვა და როგორ გააგრძელებს დაწყებულ მთის პროექტს … და არა მხოლოდ …
დიდი ხანი ვისაუბრეთ და ბოლოს დამშვიდობების დროს , იცის რომ დედა უნდა ვნახო და მატანს ქალ ლიკასთან მისთვის გასაზიარებელ მონატრებას ….
ანდრო ჭიჭინაძის ისტორია – ოცნების მთელ შემადგენლობას უპატიებელ სასჯელად დარჩება !
ანდრო კი უფრო ძლიერი და გამარჯვებული გამოვა !!!
შემდეგი შეხვედრის შესახებ – მომდევნო წერილში გიამბობთ
# თავისუფლება სინდისის პატიმრებს
კომენტარები