საპატრიარქოს პრესცენტრის ხელმძღვანელი, ანდრია ჯაღმაიძე სოციალურ ქსელში აქვეყნებს “შაბათის ფორმულა”-ს წამყვანის, ჟურნალისტ დავით ქოქიაშვილის ფოტოს და წერს:
“შაბათის ფორმულაში გავიდა მორიგი გადაცემა საეკლესიო საკითხზე.
ეს ის შემთხვევაა, როდესაც წამყვანი საერთოდ ვერ ერკვევა თავად რა თემაზე საუბრობს და ვერც ხვდება რა უხერხულ მდგომარეობაში იგდებს ამით თავს. იგი მიტროპოლიტ შიოს (მუჯირი) მოიხსენებს მხოლოდ სახელი და გვარით, ამტკიცებს თითქოს ვიღაცამ მოსაყდრის გამორჩევის წესი შეცვალა. მისი რესპონდენტებისთვის მაინც შეეთანხმებინა, რის თქმას აპირებდა.
რესპონდენტები (მეუფეს არ ვგულისხმობ) თავისი გაცვეთილი კონსპირაციული თეორიებით, ასჯერ ნათქვამს იმეორებენ. წამყვანი კი ასევე გაცვეთილი სიტყვებით,- “სენსაციური”, “საიდუმლო”, “ჩრდილოვანი ძალები”, “შანტაჟი” და სხვა, ცდილობს მსმენელის ყურადღების მიპყრობას.
ბარნოვი და ტიგინაშვილი რუსული სპეცსამსახურების საიდუმლო გეგმებზე, რომ საუბრობენ ყოველ სიუჟეტში, ესეც აღარაა სენსაციაა, შევეჩვიეთ.
ასე ყოველდღე რომ კაცი ამტკიცებს რუსული სპეცსამსახურების გეგმებია ჩემთვის ცნობილიო, ამით საკუთარ თავზე რას ამბობს?
სრულიად ცხადია, რომ ყოველ შაბათს ან კვირას, რდენიმე ტელევიზია ასრულებს საშინაო დავალებას და სულ ერთია რა ხარისხის გამოუვა, ეკლესიაზე რაიმე ცილისმწამებლური სიუჟეტის მომზადებას ცდილობს. მოგეხსენებათ შაბათის საეთერო დრო ძალიან ძვირია ტელევიზიებისთვის, სავარაუდოდ ძვირია ამ აბსურდშიც გადახდილი.
მსგავსი ცილისწამებები ემსახურება მხოლოდ ეკლესიის დისკრედიტაციას, თუმცა ყველას კარგად უნდა ესმოდეს, რომ ეს ეკლესიისათვის უცხო არ არის და მორწმუნე ადამიანს ეს ვერ დააბრკოლებს.”
კომენტარები