“ამხანაგო გობეჯიშვილო, დედა გყავთ? მე თქვენ მკვლელად გთვლით” – ახობაძე პროკურორს

ამხანაგო გობეჯიშვილო, დედა გყავთ? – ასე მიმართა პროევროპული აქციების დროს დაკავებულმა გიორგი ახობაძემ საქმის პროკურორს სასამართლო დარბაზში.

ექიმმა, რომელიც ლოგინად ჩავარდნილი დედის ერთადერთი მომვლელი იყო და მშობლის გარდაცვალების შესახებ ციხეში გაიგო, შმაგი გობეჯიშვილს სასამართლო დარბაზში პირდაპირ უთხრა, რომ “მკვლელად თვლის”.

“თქვენ არ მიეცით ქართველ დედას საშუალება, თავისი ცხოვრების ბოლო დღეები გაეტარებინა თავისი შვილის გვერდით” – უთხრა პროკურორს ბრალდებულმა ექიმმა.

„თქვენი გადაწყვეტილებით და მოთხოვნის გამო აღვეღის ღონისძიების მოთხოვნის გამო, გთვლით მკვლელად. იძულებული გავხდით, დედაჩემი გადაგვეყვანა იმდენი კონტაქტის მქონე ადგილას, ჰოსპიტალში.

თქვენ თქვენი დაუსაბუთებელი და უგრძნობი გადაწყვეტილებით, არ მომეცით საშუალება ჩემი ცხოვრების მთავარ პაციენტთან ზუსტად იგივე პაციენტები გადამედგა, რაც თითოეულ ჩემს პაციენტს აქვს მიღებული…

მოსიარულე ქრონოგრამას ვისმენთ ახლა ჩვენ აქ და არა პროკურორს, რომელიც საქართველოს სახელმწიფოს უნდა წარმოადგენდეს, მოქალაქეებს, კანონს და სამართალს, თქვენ არ მიეცით ქართველ დედას, თავისი ცხოვრების ბოლო დღეები გაეტარებინა თავისი შვილის გვერდით, რომელცი არის ექიმი და რომელიც მასზე ზრუნავდა.

მე მინდა გკითხოთ, ამხანაგო გობეჯიშვილო [პროკურორო], დედა ხომ გყავთ. მინდა მიხვიდეთ და ჰკითხოთ, როგორ შეაფასებდა ასეთ კაცს, როგორზეც მე ვილაპარაკე… თქვენი მშობელი რომ პასუხს გაგცემთ, რა კაცია ის ადამიანი, სარკეში ჩაიხედოთ და ეცადოთ, ეს ადამიანი მეორეჯერ თქვენი კარიერის მანძილზე აღარ დაგენახოთ. ამას გისურვებთ, რომ ისე გაგეგრძელებინოთ თქვენი კარიერა ასეთი ადამიანი აღარ დაგენახოთ. ჩემზე კარგად იცით თქვე, რა სიბინძურეში გამყოფებენ თქვენი ზემდგომები“, – მიმართა ბრალდებულმა პროკუროს.

გიორგი ახობაძე მოსამართლე დავით მგელიაშვილმა პატიმრობაში დატოვა.

პროევროპული აქციების დროს დაკავებული ექიმის, გიორგი ახობაძის დედა გარდაიცვალა. ლოგინად ჩავარდნილი მშობლის ერთადერთი მომვლელი მისი შვილი იყო და ამის შესახებ დაკავებული ახობაძე მოსამართლეს 10 დეკემებრის სხდომაზეც უყვებოდა.

დედას გადატანილი ჰქონდა ინსულტი და ვერ მეტყველებდა. შვილი კი მის გვერდით იმ დრომდე იყო, ვიდრე  ექიმ ახობაძეს რეჟიმი ციხეში გამოკეტავდა. მშობლის გარდაცვალება ოლიგარქის მსხვერპლმა ციხეში შეიტყო.

ექიმი გიორგი ახობაძე, რომელიც საპროტესტო აქციების აქტიური მონაწილე იყო, 7-8 დეკემბერს დააკავეს. მის წინააღმდეგ გამოძიება სისხლის სამართლის კოდექსის 260-ე მუხლით მიმდინარეობს, რაც ნარკოტიკული საშუალების უკანონო დამზადება, წარმოება, შეძენა, შენახვა, გადაზიდვას ან გადაგზავნას გულისხმობს.