“მთავარი არხის” დამფუძნებელი, ნიკა გვარამია, ტვ პირველთან, ოპოზიციის გაერთიანებაზე საუბრისას, ამბობს:
თუ ჩვენ გვაინტერესებს საქმის წარმატება, მე მგონია, რომ უნდა გავაცნობიეროთ ის, რომ ეს გაერთიანება უფლებასთან ერთად არის ვალდებულება. გაერთიანებას არ ვგულისხმობ ყველას გაერთიანებას, არის სეგმენტი ამომრჩევლების, რომელიც ელოდება იმას, ვინც გამოასხივებს ძალას, ვინც დაანახებს ამომრჩეველს, რომ ცვლილებები შესაძლებელია და ცვლილელების გარდა, ეს ხალხი მართლა დაიჯერებს, რომ ამ ხალხს მართვაც შეუძლია და ქვეყნის წინ წაყვანაც. ასეთი ამომრჩეველი დღეს არავის აძლევს ხმას, პროდასავლურ ფლანგზე, ყოველ შემთხვევაში. ამ ხალხის ხმები არის ჰაერში. თუ ისინი არ მივლენ არჩევნებზე, იგივეა, რომ ეს ხმები მიიღოს “ქართულმა ოცნებამ”, თუ ისინი მივლენ არჩევნებზე და მათ ვიღაცა მიიყვანს არჩევნებზე, ეს არის ხმები “ქართული ოცნების” საწინააღმდეგოდ, საერთოს საქმის სასარგებლოდ და ქვეყნის სასარგებლოდ. ამ ახალ სუბიექტს ექნება შესაძლებლობა, რომ შეცვალოს ყველა სხვასთან ერთად.
თუმცა, ნიკა გვარამია ამბობს, რომ თავს ვერ ხედავს ნაციონალურ მოძრაობაში:
“ნაციონალური მოძრაობა” არის ამ ქვეყნის, ამ წუთში ყოველ შემთხვევაში, ყველაზე დიდი პოლიტიკური ოპოზიცია, მათ აქვთ თავისი გზა, მათ აქვთ ეს არჩევანი გაკეთებული. მე ბევრი თანხვედრა მაქვს ამ მიმართულებით, მაგრამ ბევრი საკითხია, სადაც ჩენ თანხვედრა არ გვაქვს და ამიტომ მე ვერ ვხედავ ჩემს თავს იქ. არიან ადამიანები, ვინც ამ გადაწყვეტილებებს იღებს, ვინც დღეს არის მართვაში ამ პარტიის, ეს მათი გადაწყვეტილებაა.
კომენტარები