ბოჭორიშვილის სახელობის კლინიკის გენერალურმა დირექტორმა, დავით გადელიამ პრემიერ-მინისტრსა და კლინიკების ხელმძღვანელებს შორის გამართული შეხვედრის შემდეგ განაცხადა.
მისი თქმით, ამ დროისათვის საწოლფონდის ის რაოდენობაა მობილიზებული, რომელიც სრულიად საკმარისია მოთხოვნის დასაკმაყოფილებლად.
„იყო რიგითი, სამუშაო შეხვედრა. ყოველკვირეულად ვიკრიბებით და ვმსჯელობთ ამ საკითხებზე, თუ რა დავალებები იყო და რა გაკეთდა. ვიმსჯელეთ, რა საწოლფონდი გვჭირდება შექმნილი ვითარებიდან გამომდინარე. იმდენად დიდია რაოდენობა, რომ ჩვენ შედეგებს იანვრის დასაწყისამდე ვერ ვნახავთ საწოლფონდის ყველაზე კარგი შემაკავებელი არის პროფილაქტიკა. თუ ჩვენ პროფილაქტიკურ მედიცინას არ მივყევით, რასაც ეპიდემიოლოგები გვეუბნებიან, არ ეყოფა არანაირი საწოლფონდი. ამ დროისათვის საწოლფონდის ის რაოდენობაა მობილიზებული, რომელიც სრულიად საკმარისია, საერთო სტატისტიკიდან გამომდინარე. მთავარია სტაციონარში მოხვდნენ ის ადამიანები, ვისაც ეს ნამდვილად ესაჭიროებათ. მესმის, რომ ადამიანებს შიშის გამო სურთ, რომ მოხვდნენ საავადმყოფოში, მაგრამ ყოველთვის ამის აუცილებლობა არ არის“
თუ მხოლოდ შიშია პრობლემა, ბატონო დავით, “ალია” შეგახსენებთ, რომ პანიკაც სახელმწიფოს სამართავია და ამ შემთხვევაში, ჯანდაცვის სამინისტროს. მას შემდეგ, რაც ჯანდაცვის სპეციალისტი, ზუსტად დაადგენს, რომ პაციენტს პანიკური შეტევა აქვს და მას არ სჭირდება რეანიმაცია, მასთან მყისიერად უნდა განხორციელდეს ფსიქოლოგის ზარი, რომელიც ასევე გადამზადებული იქნება კოვიდკუთხითაც – არა, ბატონო დავით? ხალხმა თავისით უნდა გაარკვიოს, შიშის გამო უჭირს სუნთქვა, თუ ფილტვის პრობლემის გამო? ახლაც კი, ამ წუთებშიც უამრავი ადამიანი წერს, რომ მძიმე პაციენტი ვერ გადაჰყავს სისტემას კლინიკებში, მათ შორის, ქრონიკული დაავადებების მქონე პაციენტები, ბატონო დავით!
ისე, არც ის დაგავიწყდეთ, პანიკა ვინ დათესა, წინასააღდგომოდ, გამყრელიძე იძახდა, იცოდეთ არჩევნების მერე, მთლიანობაში 4 000 ინფიცირებული გვეყოლებაო, პაატა იმნაძემ დაუყოლა, აბა, აბა, მაგ შემთხვევაში კუბოებს ვერ დავითვლითო… მთლიანობაში კი არა, ახლა დღეში გყავთ 4 000 პაციენტი და გაიღიმეთ, ყველაფერი კარგადააო, სთხოვთ ხალხს!
კომენტარები