დაავადებათა კონტროლის ეროვნული ცენტრის დირექტორი პოლიტიკოსებს და ამომრჩევლებს შეხვედრების დროს პირბადის ტარებისკენ მოუწოდებს. ამის შესახებ ამირან გამყრელიძემ საკოორდინაციო საბჭოს დასრულების შემდეგ გამართულ ბრიფინგზე განაცხადა. მისი თქმით, ეს ვირუსის გავრცელების პრევენციას შეუწყობს ხელს.
„მოგეხსენებათ, პოლიტიკური პროცესია ახლა ქვეყანაში, წინასაარჩევნო პერიოდია და მოვუწოდებ პოლიტიკოსებს, რომ იყოს უფრო ხშირი შეხვედრები და გარე სივრცეში და იქაც ვიხმაროთ ყველამ პირბადე, როგორც თვითონ პოლიტიკოსებმა, ისევე საზოგადოებამ, რომელსაც ისინი ხვდებიან, რათა მეტი პრევენცია გავაკეთოთ ინფექციის გავრცელებისა ქვეყანაში“, – განაცხადა გამყრელიძემ.
საპარლამენტო არჩევნები საქართველოში 31 ოქრომბერს ჩატარდება.
კომენტარები