ამინდი იცვლება – სად არის მოსალოდნელი წვიმა, ელჭექი და სეტყვა

28 აგვისტოს საქართველოში ამინდი არასტაბილური იქნება. გარემოს ეროვნული სააგენტოს პროგნოზით, ქვეყნის უმეტეს ტერიტორიაზე დროგამოშვებით მოიმატებს ღრუბლიანობა და დღის განმავლობაში ხანმოკლე წვიმაა მოსალოდნელი. ზოგიერთ რაიონში შესაძლებელია ძლიერი ნალექი, ელჭექი და სეტყვა.

აღმოსავლეთ საქართველოში ღამისა და დილის საათებში, უმეტეს რაიონში, მოსალოდნელია ხანმოკლე წვიმა და ელჭექი. ცალკეულ ადგილებში შესაძლებელია ძლიერი ნალექი და სეტყვა. ქარის სიჩქარე 10-15 მ/წმ იქნება.

ჰაერის ტემპერატურა აღმოსავლეთ საქართველოს ბარში დღისით +26, +31 გრადუსამდე გათბება, მთაში +22, +27, ხოლო მაღალმთიან რაიონებში +15, +20 გრადუსი იქნება.

დასავლეთ საქართველოში დღის განმავლობაში ზოგან ასევე მოსალოდნელია ხანმოკლე წვიმა და ელჭექი. დაბლობში ჰაერის ტემპერატურა დღისით +27, +32 გრადუსის ფარგლებში იქნება.

სინოპტიკოსები ასევე აფრთხილებენ მოსახლეობას, რომ ელჭექის დროს შესაძლებელია ქარის გაძლიერება.

თბილისში 28 აგვისტოს მოსალოდნელია დროგამოშვებით ღრუბლიანობის მატება, ხანმოკლე წვიმა და ელჭექი. დღისით ჰაერი დაახლოებით +30 გრადუსამდე გათბება.