სახელმწიფო ინსპექტორის სამსახურის ხელმძღვანელი, ლონდა თოლორაია, საქართველოში აშშ-ის ელჩს, კელი დეგნანს, შეხვდა იმ კანონპროექტის თაობაზე, რომლის მიღებასაც “ოცნების” პარლამენტი დაჩქარებული წესით გეგმავს და ამ უწყებას აუქმებს.
როგორც შეხვედრის დასრულებისას მედიასთან თოლორაიამ განაცხადა, მათ ელჩს მიაწოდეს დეტალური ინფორმაცია, თუ როგორ მოხდა კონსპირაციულად აღნიშნული კანონპროექტის შემუშავება სახელმწიფო ინსპექტორის ჩართულობის გარეშე
“ჩვენ შევხვდით ამერიკის ელჩს, რომელსაც მივაწოდეთ დეტალური ინფორმაცია, თუ როგორ მოხდა კონსპირაციულად აღნიშნული კანონპროექტის შემუშავება სახელმწიფო ინსპექტორის ჩართულობის გარეშე; როგორ გაიგო ამის შესახებ სახელმწიფო ინსპექტორის სამსახურმა მედიისგან; როგორ აპირებენ არამხოლოდ სახელმწიფო ინსპექტორის სახლში გაშვებას, არამედ სახელმწიფო ინსპექტორის ყველა თანამშრომელზე შურისძიებას და მიხარია, რომ ამერიკის ელჩმა გამოხატა დიდი მხარდაჭერა სამსახურისადმი და მასაც, ისევე როგორც ჩვენ მიგვაჩნია, რომ ეს პროცესი ჯანსაღად არ მიმდინარეობს და ეს პროცესი სრულიად მოწყვეტილია დემოკრატიული და ადამიანის უფლებებზე ორიენტირებული ქვეყნის პროცესის არსს,“- განაცხადა ლონდა თოლორაიამ.
კომენტარები