“ამდენი უსამართლობა ვერ დაიტია. ვინ გვიგდო ყური?” – დევნილთა დასახლებაში მთავრობიდან არავინ გამოჩენილა

აიღებს თუ არა ხელისუფლება პასუხისმგებლობას სანატორიუმ “ქართლში” მომხდარ ტრაგედიაზე – პრემიერ-მინისტრმა მთავრობის სხდომა სამძიმრის სიტყვით არ დაიწყო. 

დევნილთა დასახლებაში, სადაც პროტესტის გამო 52 წლის მამაკაცმა თავი მოიკლა, ამ დრომდე მთავრობიდან არავინ მისულა. დილიდან ხალხი დავით ჭიჭოშვილის პანაშვიდზე იკრიბება. 

ეს საქციელი ჩაიდინდა, რომ მიექციათ ყურადღება ხალხისთვის, რომლებიც ვითხოვდით ბინას, საცხოვრებელს, გვენგრევა თავზე ჭერი. მეტს არაფერს ვითხოვდით. ყურად არ გიგდო არავინ. აი, შედეგი, რაც არის ჩვენს თვალწინ. ამდენი უსამართლობა ვერ დაიტია. ვინ გვიგდო ყური? რომელმა მოგვიგდო ყური? ან აფხაზეთის მთავრობამ, ან ჩვენმა მთვარობამ?! ჩვენ ხალხი არ ვართ?, – ამბობს ოჯახის წევრი.

მას შემდეგ, რაც 52 წლის დავით ჭიჭოშვილმა პროტესტის ნიშნად სიცოცხლე თითმკვლელობით დაასრულა, ჯანდაცვის სამინისტრომ დევნილებს საცხოვრებელი ფართით დაკმაყოფილება 2022 წელს შეპირდა. ამის მიუხედავად, დევნილებს მთავრობის შეპირების არ სჯერათ.

უკვე რამდენიმე კვირაა ფხაზეთიდან დევნილები ავარიული შენობიდან გასახლებას და ახალ საცხოვრებლებს ითხოვენ. 52 წლის დავით ჭიჭოშვილმა პროტესტის ნიშნად თავი გუშინ მოიკლა. ის შენობის მე-9 სართულიდან გადმოხტა.