“ამას ვაკეთებ ჩემი სახსრებით, ქვეყნის პრეზიდენტი არ უნდა გადიოდეს თავისი სახსრებით ასეთ მნიშვნელოვან შეხვედრებზე, მაგრამ…” – პრეზიდენტი

საქართველოს პრეზიდენტი, სალომე ზურაბიშვილი:

მე ვარ ამაყი, რომ ამას ვაკეთებ დღეს ჩემი სახსრებით, თუმცა, სახელმწიფოსთვის ეს არ არის სწორი, ქვეყნის პრეზიდენტი არ უნდა გადიოდეს თავისი სახსრებით ასეთ მნიშვნელოვან შეხვედრებზე, მაგრამ ამას დიდი მნიშვნელობა არ აქვს, გავაგრძელებ, მაქვს გეგმა შემდეგი ქვეყნების, სადაც უნდა ჩავიდე. ვიმედოვნებ, რომ შევძლებ ამ 2,5–3 თვეში, მოვახერხებ რომ მოვიარო ყველა დედაქალაქი ევროპისა, რათა იქ მივიტანო თქვენი სურვილი, ოცნება, მომავლის დაცვა. ყველამ იცის რომ საქართველოს ეს უნდა, საქართველო არასოდეს დაბრუნდება რუსეთის ფეხქვეშ. ეს არის ის, რაც ერთად გვაქვს დასაცავი – თქვენ დაიცავით და მე მხარი დაგიჭირეთ 8 მარტს. ეს იქნება ჩვენი ერთიანი სვლა, სანამ არ გავალთ ფონს და არ მივალთ იქ, სადაც არის საქართველოს ადგილი. ამაში ვიცი ყველანი ერთად ვართ,

თუ ხელისუფლება ამას გაიგებს და შეეგუება ეს იქნება ძალიან კარგი, თუ არადა, ალბათ, მისი მომავალიც ამაზეა დამოკიდებული. მე თქვენი იმედი მაქვს და ჩემი იმედი თქვენ გქონდეთ, ერთად წავალთ და გავალთ ბოლოს. 

“თქვენ რომ არ გამოსულიყავით და არ გეჩვენებინათ მთელი ევროპისთვის, რამდენად მნიშვნელოვანია ეს პერსპექტივა, ალბათ, მეც არ მექნებოდა ასეთი ნდობა” – ზურაბიშვილი