ჟურნალისტი, დათო გამცემლიძე:
“მიშას მემუარებიდან:
———————————————–
მოგონებათა 94–ე გვერდზე ავტორი წერს, რომ პრეზიდენტმა ბუშმა, ზურაბ ჟვანიას გარდაცვალების შემდეგ, საქართველოში გამოაგავნა გამოძიების ფედერალური ბიუროს (FBI) თანამშრომლები, რომლებმაც იმ ბინაში, სადაც ზურაბ ჟვანია გარდაიცვალა (ციტატა) “აიღეს…… ანალიზები, რითაც დოკუმენტირდა საქმის ინტიმური მხარე” (ციტატის დასასრული).
რას ნიშნავს ეს ფრაზა? რას შეიძლება გულისმობდეს ავტორი? მხოლოდ და მხოლოდ ერთს: ამერიკელმა გამომძიებლებმა აღმოაჩინეს და აიღეს ის ნაცხები და ისეთი ადგილიდან რაც საქმის “ინტიმურ მხარეს” დაადასტურებდა და შემდეგ გამოიყენეს ეს ბიოლოგიური მასალა იდენტიფიცირებისათვის (წერტილი).
იქვე ავტორი გვიყვება, რომ იმავე ამერიკელმა გამომძიებლებმა ვერ აღმოაჩინეს თითის ანაბეჭდი კონიაკის ბოთლზე, რომელსაც ვითომდაც ზურაბ ჟვანია და რაულ უსუპოვი სვამდნენ და ივარაუდეს, რომ ეს ბოთლი სინამდვილეში დაცვამ დადო მაგიდაზე როდესაც დადგა სცენა, თითქოს ჟვანია და უსუპოვი მაგიდასთან ისხდნენ როდესაც გაზით მოიწამლენ და ამ მდგომარეობაში დახვდნენ დაცვას.
ოდნავ ზემოთ კი მიხეილ სააკაშვილი საინტერესო დეტალს აღნიშნავს, ოღონდ აღნიშნავს სპეციალურად, ანუ საერთო კონტექსტში:
როდესაც ზურაბ ჟვანიას დაცვის უფროსმა, კობა ხარშილაძემ ღამით პირველად აცნობა ტელეფონით პრემიერ-მინისტრის გარდაცვალების შესახებ, თან დააყოლა: “ძალიან უხერხული სიტუაცია ვნახეთო”.
რა შეიძლებოდა ყოფილიყო “უხერხული” ( ტრაგიკული კი, მაგრამ “უხერხული”?) იმ სიტუაციაში, თუკი ორი მამაკაცი მაგიდას უჯდა და კონიაკს სვამდა?
ვიმეორებ: “ტრაგიკული” ან “საშინელი” კი, მაგრამ….”უხერხული”?!
გასაგებია ხომ?
მიშა გულისხმობს, რომ ზურა და რაული დაცვას მაგიდასთან მსხდომნი არ დახვედრიათ.
ამას გულისხმობს აშკარად-1000%-ით!
ამის შემდეგ მიხეილ სააკაშვილი აღწერს, რომ რამდენიმე დღეში მასთან მივიდა ზურაბ ჟვანიას ქვრივი, ნინო ქადაგიძე და უთხრა: “ზურაბ ჟვანიას, რიგორც ყველა პოლიტიკოსს, ჰქონდა ფული და ამ ფულის ნაწილი მაინც დამიბრუნეთ. სიკვდილამდე მცირე ხნით ადრე ზურამ რამდენიმე მილიონი აიღოო”.
“მე ვუპასუხე, რომ მეც პოლიტიკოსი ვარ, მაგრამ ფული არა მაქვს მეთქი” – წერს მიშა და აღნიშნავს, რომ ამ საუბრის შემდეგ ნინო ქადაგიძეს აღარ შეხვედრია.
ოღონდ “რამდენიმე მილიონი დოლარის” თემა ბადრი პატარკაციშვილის შემოგდებულად მიაჩნია და არა რეალობად.
———————————-
ჰოოოოოოო……ახლა მე, როგორც ადამიანს, ვინც 10 წელი ვიმუშავე ზურაბ ჟვანიასთან, მხოლოდ ერთი რამ მაინტერესებს: ამ მოგონებებზე ოჯახმა არაფერი იცის? არ წაუკითხავთ? როგორც გავარკვიე, ეს ტექსტი მიშას ჯერ კიდევ 2016 წელს გამოუქვეყნებია უკრაინაში.
რატომ არაფერს ამბობენ პასუხად?
“ვითომც არაფერი?”
დათო
ისტორიის რიგითი ჯარისკაცი”
კომენტარები