ამ ვითარებაში ძალიან რთული იქნება ჩემი იქ ყოფნა – ხატია დეკანოიძე ფრაქციას ტოვებს?

ტოვებს თუ არა ხატია დეკანოიძე ფრაქცია “ერთიან ნაციონალურ მოძრაობას”? – ის “ტვ პირველის” ეთერში აცხადებს, რომ პარტიის გადაწყვეტილებას, გამოუცხადოს საპარლამენტო საქმისნობას ბოიკოტი, პრინციპულად არ ეთანხმება.

“გულწრფელად შემიძლია გითხრათ, რომ ამ ფრაქციაში, ამ ვითარებაში ძალიან რთული იქნება ჩემი ყოფნა”- თქვა დეკანოიძემ.

იქვე ამბობს, რომ  “ბოიკოტი მხოლოდ და მხოლოდ პარტიისთვისაა დამაზიანებელი”.

მისი თქმით, პარტნიორები შეხვედრებზე პირდაპირ ეუბნებიან, რომ საპარლამენტო საქმიანობაში მონაწილეობა მნიშვნელოვანია:

„სრულიად გულწრფელად და პირდაპირ გეტყვით ამას და ეს იციან ჩემმა მეგობრებმაც. პარტნიორების პოზიცია, მათ შორის ევროკომისიაზე, როდესაც კომისიის დელეგაცია შეგვხვდა, იყო საუბარი, რომ ჩვენი მონაწილეობა აუცილებელი და მნიშვბელოვანია 12 პუნქტთან მიმართებით არსებულ პროცესებში”