ლეიბორისტული პარტიის ლიდერი შალვა ნათელაშვილი სოციალურ ქსელში ირაკლი ღარიბაშვილის გამოსვლის ფრაგმენტს აქვეყნებს და წერს, რომ ოპოზიციური პარტიები „მართლაც ცხვრებივით შეყარეს“ პარლამენტში.
„აი რატომ არ შევედით ლეიბორისტული პარტია პარლამენტში მიუხედავად იმისა,რომ დაგვსაჯეს და აგვკრძალეს. ამ უჯიშოს დასაცინი რომ გახდება ოპოზიცია მეტი ისტორიული სირცხვილი რა უნდა იყოს. ასევე მე შემრცხვებოდა იმ ამერიკელ-ევროპელი ლობისტების ადგილას რომლებიც, როგორც თავად ღარიბაშვილი აღიარებს, დაეხმარნენ რუსაპეტა ოლიგარქს რათა ოპოზიციური პარტიები ცხვრებივით შეეყარა მათ მიერვე დაგმობილ პარლამენტში,”- წერს შალვა ნათელაშვილი.
ლეიბორისტების ლიდერი, ირაკლი ღარიბაშვილის მიერ მესტიის მერობის კანდიდატის წარდგენისას გაკეთებულ განცხადებას გულისხმობს, სადაც პრემიერმა განაცხადა:
„ჩვენი დიდი მეგობრების, შარლ მიშელის, ამერიკის შეერთებული შტატების დახმარებით, როგორც იქნა შევძელით, იმას მივაღწიეთ, რომ ეს მავნებლები [ოპოზიციის წევრები] შეგვეყარა, უკაცრავად, შეგვეყვანა პარლამენტში.“
კომენტარები