მიხეილ სააკაშვილი ციხიდან წერილს აქვეყნებს:
,,ყველამ ვიხილეთ კატასტროფა საქალაქო სასამართლოსთან. მინდა გკითხოთ, იქნებოდა თუ არა ეს სურათი შესაძლებელი, 2012 წელს ჩემი კურსი რომ გაგრძელებულიყო. საქმეც იმაშია, რომ მე მეზიზღებოდა კრიმინალი და ახლა საქართველოს მართავს ბეზპრეძელშიკი, რომელმაც პირველი დიდი ფული ოთარ კვანტრიშვილთან ერთად გააკეთა.
ორიოდე დღის წინ თავისი იუბილე აღნიშნა ბიტკოინების “ახევით”, მაგრამ ბეზპრეძელი ამ ინდივიდუალური რეკეტის აქტზე ბევრად უფრო ყოვლისმომცველია.
ჩვენ მივიღეთ ის რაზეც მე ძალიან ხმამაღლა გაფრთხილებდით 2012 წელს – საქართველოში დაბრუნდა დანაშაული, ნარკოტიკები, ქუჩის ბიჭები, ძალადობა და გამეფდა ” პესპრეძელი”.
თუ ვინმეს რამე გიკვირთ მინდა გკითხოთ რა გაგიკვირდათ?
ეს არსება მოვიდა ლოზუნგით “მოეკიდეთ კრიმინალს გაგებით”, მისმა წულუკიანმა იუსტიციის სახლთან ძეგლი დაუდგა სერიულ მკვლელს, ვაზაგაშვილს.
ივანიშვილმა პირველი დღიდან მწვანე აუნთო ძალადობას – საჯარო ბიბლიოთეკასთან სცემეს მთელი საპარლამენტო ოპოზიცია.
რეგიონებში ცემა-ტყეპებით გამოყარეს საკრებულოს წევრები. შემდეგ მისმა ერთმა პრემიერმა თვალები დათხარა პროტესტანტებს, მეორე პრემიერი პირდაპირ ჩაუდგა სათავეში უმცირესობების წინააღმდეგ ძალადობას.
მანამდე მირტყეს ციხეში და ეს მსოფლიოს აყურებინეს. მთელი ეს დრო ხდებოდა მკვლელობები – ჯერ რუსეთის წინააღმდეგ სპეცოპერაციების მონაწილეების, მერე უბრალოდ შეკვეთილი მკვლელობები, რაც შეუძლებელია თუ ამას არ მფარველობს პოლიცია.
ისევ დაბრუნდა ძალადობა სკოლაში, რასაც შეეწირა ახალგაზრდა მასწავლებელი და სხვა ადამიანები. ყველაფერი ეს მიმდინარეობს იმ ფონზე რომ პოლიცია ნაკლებად ეფექტურია და მეტად ძალადობრივი, როგორც შევარდნაძის დროს იყო.
ამ სიტუაციამ – მათაც კი, ვისაც ძალიან არ ვეხატები გულზე, მოუხდებათ იმის აღიარება, რომ ამ სიტუაციაში წესრიგის აღდგენა მხოლოდ მე შემიძლია, ჩემი გამოცდილების გაზიარებით.
მომავალი მთავრობის ახალი ტიპის სამართალდამცავებისთვის, რომელთაც უნდა გაითვალისწინონ წარსულის მიღწევებიც და შეცდომებიც, უნდა იმოქმედონ რა დემოკრატიული, თუმცა გადამწყვეტი მოქმედებით.
მე თქვენთან ერთად დავასრულებ და სამუდამოდ წარსულში მოვიტოვებთ ივანიშვილ ბესპრეძელშიკის მმართველობას და მის დანერგილ “ბესბრეძელს”.
კომენტარები