საქართველოს ექსპრეზიდენტ მიხეილ სააკაშვილის განცხადებით, საბერძნეთის დედაქალაქ ათენში დაგეგმილ შეხვედრაზე ის პროვოკაციებს ელოდება. სააკაშილი ფეისბუქზე წერს, რომ საბერძნეთში მცხოვრებ თანამემამულეებს ხვდება.
“ამ შეხვედრის შესახებ ივანიშვილის ხელისუფლებამ წინასწარ გაიგო და კალაძის მეშვეობით დაავალა ადგილობრივ ქართველ კრიმინალებს, რომლებიც საბერძნეთში მრავლად არიან, შეხვედრის წინ და შეხვედრის განმავლობაში პროვოკაციის მოწყობა. რა თქმა უნდა, ჩვენ ამის შესახებ გავიგეთ”, — წერს სააკაშვილი ფეისბუქში.
მისივე თქმით, უამრავი რჩევა მიიღო შეხვედრაზე მისვლისგან თავი შეეკავებინა, მაგრამ ამბობს, რომ ამ რჩევის ავტორები და პროვოკაციის მომწყობები მას ცუდად იცნობენ. ამიტომ სააკაშვილის განცხადებით, შეხვედრა აუცილებლად გაიმართება და უმაღლეს დონეზე ჩატარდება.
“სულ მალე საბერძნეთში და სულ მალე საქართველოში”, — წერს ის. სააკაშვილის თქმით, შეხვედრა კვირას, დღის 2 საათზეა დაგეგმილი.
კომენტარები