“ქართული ოცნების” გენერალური მდივანი ამტკიცებს, რომ მოქმედი ოპოზიციის პირობებში დეპოლარიზაციის პუნქტის შესრულება შეუძლებელია. კახა კალაძის თქმით, ოპონენტები რადიკალიზმით არიან დაკავებულები და ცდილობენ, რომ ქვეყნის ევროინტეგრაციას ხელი შეუშალონ.
კალაძე ასევე ირწმუნება, რომ ჯოზეფ ბორელის ესმის, თუმცა აქვე ამბობს, რომ მთავარი კონსტიტუციის და კანონების პატივისცემაა:
„რაც შეეხება დეპოლარიზაციას, ეს ერთ-ერთი მთავარი პუნქტი იყო, თუმცა ამას სჭირდება მეორე მხარე, ცალმხრივად ვერ მოხდება ამის გახორციელება. სჭირდება მეორე მხარე, რომელიც რადიკალიზმით არის დაკავებული და მე მგონია, დღევანელ მოცემულობაში ამის გაკეთება, რაც არ უნდა ძალისხმევა იყოს ხელისუფლების მხრიდან, შეუძლებელია ამ ოპოზიცის პირობებში. ადამიანები, რომლებიც ყველაფერს აკეთებენ იმისთვის,რომ პირიქით, გაღრმავდეს პოლარიზაცია, პირიქით, ხელი შეუშალონ ჩვენი ქვეყნის ევროპულ მომავალს, პირიქით, ხელი შეუშალონ სტატუსის მიღებას. ბატონი ბორელის მესმის, მაგრამ ჩვენ ვართ სუვერენული სახელმწიფო და კიდევ ერთხელ ვიმეორებ, კონსტიტუციის და კანონების პატივისცემა, არის ძალიან მნიშვნელოვანი“
კომენტარები