„ამ დროისთვის ხანძარი ლოკალიზებულია“ – თემურ მღებრიშვილი

საგანგებო სიტუაციების სამსახურის უფროსის, თემურ მღებრიშვილის თქმით, ამ წუთას ბაზრობის ტერიტორიაზე  ხანძარი ლოკალიზებულია:

„ამ დროისთვის „ლილოს“ ბაზრობაზე, დაახლოებით, 5 ათასი კვადრატული მეტრია დამწვარი – როგორც სასაწყობო ფართი, ასევე მაღაზიები. 120-ზე მეტი მეხანძრე-მაშველია მობილიზებული, 22 სახანძრო ავტო ცისტერნა. ამ დროისთვის ხანძარი ლოკალიზებულია და საბედნიეროდ არავინ დაშავებულა. მიმდინარეობს სალიკვიდაციო სამუშაოები“