“რადიო თავიოსუფლების” ცნობით, დაპატიმრებულმა რუსმა ოპოზიციონერმა ალექსეი ნავალნიმ გამოაცხადა კოლონიებში მომუშავე პატიმრებისა და სასჯელაღსრულების დაწესებულებათა თანამშრომლების პროფკავშირის შექმნის შესახებ. ოპოზიციონერმა პოლიტიკოსმა, რომელიც ვლადიმირის მე- 6 კოლონიაში პატიმრობის ხანგრძლივ ვადას იხდის, ამის შესახებ სოციალური ქსელების საშუალებით განაცხადა.
ნავალნის თქმით, მან უკვე გაუგზავნა შეტყობინება პროფკავშირის შექმნის შესახებ, სახელწოდებით “ინდუსტრიული ზონა” კოლონიის ხელმძღვანელსა და სასჯელაღსრულების დაწესებულების დირექტორს, თუმცა პატიმრებს ამ იდეის ადმინისტრაციაზე კიდევ უფრო მეტად “შეეშინდათ”.
ნავალნი აღიარებს, რომ ამ შიშის გამო პროფკავშირს მის გარდა სხვა წევრი არ ჰყავს.
“ჯერჯერობით ფონს იმით გავდივარ, რომ ყოველდღე სპეციალური კომისია საყვედურებს მიცხადებს. და კიდევ მე ოფიციალურად “გამაფრთხილეს” იმ დანაშაულის შესახებ, რომლის ჩადენასაც მე ვაპირებ”, – განაცხადა პატიმრობაში მყოფმა ოპოზიციონერმა.
კომენტარები