ბელარუსის პრეზიდენტის, ალექსანდრე ლუკაშენკოს განცხადებით, 2014 წელს კიევში მომხდარი „გადატრიალების“ შემდეგ, უკრაინის ახალმა ხელისუფლებამ ყველაფერი რუსულის განადგურების კურსი დაისახა.
„როგორც ძველი პოლიტიკოსი, გეუბნებით: თუ მძინარე დათვთან ცხოვრობთ, ნუ გააღვიძებთ, იპოვეთ ნორმალური ურთიერთობა“, – აღნიშნა ლუკაშენკომ.
მისი თქმით, საომარი მოქმედებების გაგრძელებამ, შესაძლოა, უკრაინის არსებობის შეწყვეტა გამოიწვიოს.
„ჩემი აზრით, ის, შესაძლოა, რუკიდან გაქრეს“, – აღნიშნა ბელარუსის ლიდერმა.
მისი თქმით, თუ კონფლიქტი გაგრძელდება, ესკალაცია გაიზრდება და შესაძლოა, გლობალურ მასშტაბებს მიაღწიოს. ლუკაშენკომ დასავლეთს მოუწოდა, თავი შეიკავოს უკრაინისთვის ახალი იარაღის მიწოდებისგან.
მისი მტკიცებით, რუსეთის პრეზიდენტ ვლადიმერ პუტინს მშვიდობა სურს. ლუკაშენკომ ასევე აღნიშნა, რომ მშვიდობის მიღწევა უკრაინის პრეზიდენტ ვოლოდიმირ ზელენსკისაც სურს, თუმცა კრიზისის მოგვარებასთან დაკავშირებით მათი შეხედულებები განსხვავებულია.
კომენტარები