ამერიკელმა მსახიობმა ალეკ ბოლდუინმა, მას შემდეგ, რაც, შემთხვევით, გადასაღებ მოედანზე ოპერატორი მოკლა, პირველი საჯარო კომენტარი გააკეთა, – ამის შესახებ BBC წერს.
„ის ჩემი მეგობარი იყო. იმ დღეს, როცა სანტა-ფეში ჩავედი და გადაღებები დავიწყეთ, მე ის ვახშამზე წავიყვანე ჯოელთან ერთად. ძალიან, ძალიან კარგად შეკრული გუნდი ვიყავით და მერე, ეს საშინელება მოხდა“, – თქვა მან.
ბოლდუინი ამბობს, რომ ის, რაც გადასაღებ მოედანზე მოხდა, უიშვიათესია. „ესაა ტრილიონიდან ერთი ეპიზოდი“.
ოპერატორი ჰალინა ჰატჩინსი ჰოლივუდის ცნობილმა მსახიობმა, ალეკ ბოლდუინმა ფილმ Rust-ის გადასაღებ მოედანზე სარეკვიზიტო იარაღით მოკლა. დაჭრილი რეჟისორი ჯოელ სოუზა კი საავადმყოფოდან უკვე გაწერეს. ფილმის გადამღები კომპანიის წარმომადგენლის თქმით, ინციდენტი იმ სცენის გადაღების დროს მოხდა, როდესაც ბოლდუინს ცარიელი ვაზნებით უნდა ესროლა.
კომენტარები