“ალ-ქაიდას” “გარდაცვლილი” ლიდერი ვიდეოში გამოჩნდა

ბეირუთი (AP)-ალ-ქაიდას ლიდერი აიმან ალ-ზავაჰრი გამოჩნდა ვიდეოში, რომელიც აღნიშნავს 11 სექტემბრის თავდასხმების 20 წლისთავს.

2020 წლის ბოლოდან გავრცელდა ჭორები, რომ ალ-ზავაჰრი ავადმყოფობის შედეგად გარდაიცვალა. მას შემდეგ, არც ვიდეო და არც სიცოცხლის დამადასტურებელი რაიმე სხვა მტკიცებულება, შაბათამდე არ გამოჩენილა.

SITE სადაზვერვო ჯგუფმა, რომელიც აკონტროლებს ჯიჰადისტურ ვებსაიტებს, განაცხადა, რომ ვიდეო შაბათს გამოქვეყნდა. მასში ალ-ზავაჰრიმ თქვა, რომ “იერუსალიმი არასოდეს იქნება იუდაიზებული” და შეაქო ალ-ქაიდას თავდასხმები.

ალ-ზავაჰრიმ ასევე აღნიშნა აშშ-ს სამხედროების ავღანეთიდან გასვლა 20 წლიანი ომის შემდეგ, თუმცა, მას არ უსაუბრია თალიბების მიერ ავღანეთის ხელში ჩაგდებაზე და ვარაუდობენ, რომ იგი საუბრობს თალიბანთან 2020 წლის თებერვალში გაფორმებულ ხელშეკრულებაზე. მან ისაუბრა იანვარში სირიაში რუსეთის ჯარების წინააღმდეგ განხორციელდა.

”ის შეიძლება კვლავაც მივიჩნიოთ გარდაცვლილა, თუ მართლად გარდაიცვალა, ეს დაახლოებით 2021 წლის იანვარში მოხდებოდა” – წერს ტვიტერზე SITE– ის დირექტორი.

ალ-ზავაჰირი “ალ-ქაიდას” ლიდერი 2011 წელს უსამა ბენ ლადენის ლიკვიდაციის შემდეგ გახდა.

ინფორმაციას სააგენტო AP ავრცელებს.