“ახლა სკანდალურ რაღაცას ვიტყვი – დამნაშავეა, მაგრამ პრეზიდენტია!” – ეს განცხადება ახალციხის მიტროპოლიტმა, მეუფე ნიკოლოზმა “ჯორჯიან თაიმსის” ეთერში საქართველოს მესამე პრეზიდენტზე, მიხეილ სააკაშვილზე საუბრისას გააკეთა.
როგორც მეუფე ნიკოლოზმა გადაცემაში “ჩაი” სტუმრობისას განაცხადა, მიუხედავად იმისა, რომ მსოფლიოს სხვადასხვა ქვეყანაში დამნაშავე პრეზიდენტები არსებობს, მათთვის შინაპატიმრობა მიუსჯიათ.
აქედან გამომდინარე, ის მზადაა, მიხეილ სააკაშვილთან დაკავშირებით მოქმედ ხელისუფლებასთან ითანამშრომლოს და მათ საკუთარ ეპარკიაში სივცეს სთავაზობს, სადაც მისივე თქმით, ექსპრეზიდენტს ექნება საშუალება, რომ საჯელი შინაპატიმრობიაში მოიხადოს.
“ახლა სკანდალურ რაღაცას ვიტყვი, ეს ჩემია აზრია… მე, პეტიციას კი მოვაწერე ხელი, მაგრამ ეს კიდევ გასამარტავია, თუ რას ნიშნავს ეს პეტიცია და ა.შ. – დამნაშავეა, მაგრამ პრეზიდენტია! რამდენადაც ვიცით, მსოფლიოში დამნაშავე პრეზიდენტები არსებობენ და მათ ციხეში გარკვეული პირობები აქვთ. პირველ რიგში ეს პირობაა, შინაპატიმრობა და ვფიქრობ, რომ ეს სწორია. ჩვენ ვიცით, რომ რამდენიმე ქვეყანას თავიანთი პრეზიდენტებისთვის სამუდამო პატიმრობაც მიუსჯია და მიუხედავათ ამისა, ქვეყანამ ისინი შინაპატიმრობაში დატოვა. აქედან გამომდინარე მინდა, რომ ჩვენს ხელისუფლებას მივმართო და მათ ვუთხრა, რომ პირადად მე თანახმა ვარ, ვითანამშრომლო მათთან და თუ რაიმე, სხვა გამოსავალი არ არსებობს, ჩემს ეპარქიაში გამოვყო სივრცე და იქ გადმოიყვანონ მიხეილ სააკაშვილი, რომელსაც, რა თქმა უნდა ხელისუფლება გააკონტროლებს. მგონი, ძალიან ბევრი პრობლემა მოიხსნება იმითი, რომ ის შინაპატიმრობაში გამოიყვანონ,” – განაცხადა მეუფე ნიკოლოზმა.
კომენტარები