თბილისში დღეს ირაკლი ჭკადუა ოჯახმა გარდაცვლილი სახლში იპოვა. 37 წლის ირაკლიმ კორონავირუსი 1 თვის წინ გადაიტანა, თავს ნორმალურად გრძნობდა, თუმცა მოულოდნელად მისი ცხედარი საწოლში ოჯახის წევრმა ნახა.
ის ჯერ თავდაცვის სამინისტროს გენ ინსპექციის თანამშრომელი იყო, მერე კი კერძო ბიზნეს საქმიანობა წამოიწყო და კომპანია AWARD-ის დამფუძნებელი იყო.
“უნიჭიერესი ახალგაზრდა დავკარგეთ ამ დილას. ირაკლი ჭკადუამ კორონავირუსი 1 თვის წინ გადაიტანა, თავს ნორმალურად გრძნობდა, მაგრამ დღეს, მისმა ოჯახის წევრმა საკუთარ საძინებელში, საწოლში გარდაცვლილი ნახა.
ჩვენი აზრით, მისი მდგომარეობა პოსტვირუსულ პროცესში გართულდა.
ყველას გთხოვთ, ვაქცინა დროულად გაიკეთეთ. ვინ იცის, ირაკლი რომ აცრილიყო, ასე არ მოხდებოდა და 37 წლის კაცი საიქიოში არ გადაინაცვლებდა.
ირაკლი ძალიან განათლებული იყო, საჯარო სამსახურშიც წარმატებულად საქმიანობდა და ბიზნესშიც, მაგრამ არაფერს ფასი არ ჰქონია. საწყალი ისე დაიღუპა, ცოლ-შვილი არ ჰყოლია, – ამბობს გარაცვლილის ახლობელი.
“ძალიან მძიმე დილა გათენდა. მეგობრებისთვის დაბადებული ადამიანი… ვერ წარმოვიდგენდი, რომ ასეთი ცხოვრების მოყვარული ადამიანი, ასე მალე დაგვტოვებდი. ჩემო ძმაო ირაკლი, ღმერთმა ნათელში გამყოფოს” – წერს კახა მამულაშვილი.
ირაკლი ჭკადუას “პრაიმტაიმთან” მომღერალი ბექა ჩხაიძე იხსენებს:
“სასწაული ბიჭი იყო. ყველასთან მეგობრობდა, ქეიფობდა და ერთობოდა სულ. უსაყვარლესი სვანების ოჯახია, უკეთილშობილესი ხალხი. ძმასთან ერთად გზის კომპანიაში მუშაობდა.
ახალ წელს დაულევია და ნაბახუსევზე უცებ, გულით გარდაცვლილა…
ჩემი სვანი ძმა იყო. უკეთილშობილესი, უღალატო, გაჭირვებულების გვერდში მდგომი, ცარიელი გული.
არ არსებობს ადამიანი, ვინც იცნობდა და არ უყვარდა ირაკლი.
გული მოგვაძრო ყველას.”
პრაიმტაიმი
კომენტარები