“ლელოს” წევრის, სალომე სამადაშვილის მიერ “ნაციონალური მოძრაობის” მიერ საპარლამენტო მუშაობის შეწყვეტის გაკრიტიკებას სოციალურ ქსელში ეხმაურება “ლეიბორისტული პარტიის” ლიდერი შალვა ნათელაშვილი.
ნათელაშვილი სამადაშვილის ოპოზიციონერობას კითხვის ნიშნის ქვეშ აყენებს და წერს, რომ სამადაშვილმა მსგავსი ნაბიჯი შარლ მიშელის შეთანხმების დროსაც გადადგა.
“აი ეს საკუთარ თავზე სასწაულად შეყვარებული არსება (ეტყობა სარკეში არ ჩუხედავს) იყო სწორედ ის ვინ შეუძღვა ოპოზიციას პარლამენტში შარლ მიშელის დროშით. დაიჯერეთ კიდევ ამის ოპოზიციონერობის რამე,” – წერს შალვა ნათელაშვილი.
ცნობისათვის, სალომე სამადაშვილმა “ნაციონალური მოძრაობის” გადაწყვეტილება გააკრიტიკა და განაცხადა: “საქართველოს სახელმწიფო ვერ აეწყობა “ნაციონალური მოძრაობის” სრულიად გაუგებარ, დაუგეგმავ პოლიტიკაზე.”
„ჯორჯიან თაიმსი“
კომენტარები