“აი, აქ ასცდა ჩვენი მოსაზრებები” – რატომ დატოვა ლევან კობერიძემ “ლელო”?

პარტია „ლელოს“ დატოვების შემდეგ ლევან კობერიძე პირველ კომენტარს ტვ პირველთან აკეთებს და ამბობს:

„პირველ რიგში, მადლობას გადავუხდი „ლელოს“ მთელ გუნდს, ვისთან ერთადაც არჩევნებში მივიღე მონაწილეობა. ჩვენ ერთად საკმაოდ ბევრი ვიშრომეთ საუკეთესო შედეგისათვის და იმისთვის, რომ ამომრჩეველი დაგვერწმუნებინა, არსებობს ალტერნატიული, ახალი პოლიტიკური ძალა, რომელსაც შეუძლია ეს ორპოლუსიანობა, რაც ჩემი აზრით, ყველაზე დიდი გამოწვევაა ქვეყანაში პოლიტიკური თვალსაზრისით.

ყველა სუბიექტური ვართ, რა თქმა უნდა, ჩემს ბადრის და მამუკას შორის აზრთა სხვადასხვაობა არსებობს და ეს რომ იყო, ამიტომაც არ ვყოფილვარ მედიაში აქტიური. ვცდილობდით, შიგნით სხვადასხვა მსჯელობები გარკვეული ინტენსივობით გვქონოდა.

ვაკე-საბურთალოზე ვიყრიდი კენჭს და ვღებულობდი არჩევნებში მონაწილეობას, ვინც ხმა მომცა, ძალიან დიდი ნაწილი მსაყვედურობდა. სერიოზული საყვედურები წამოვიდა. ობიექტურობის თვალსაზისით, ყოველთვის სჯობს, რომ არსებობდეს კვლევები. მიკვირს, მთელმა ოპოზიციამ რატომ არ ჩავატარეთ სასწრაფოდ კვლევები. მე Facebook-ზე ნახევრად ხუმრობით დავწერე, ყველა ხალხის სახელით ლაპარაკობს და ეს ხალხი ამ დროს სულ სხვა რამეს ფიქრობს. აი, აქ ასცდა ჩვენი მოსაზრებები. მიუხედავად იმისა, რომ ერთად ძალიან ბევრი ვიბრძოლეთ, მაშინ, როდესაც შენი შეხედულებები მნიშვნელოვნად განსხვავდება პარტიის პირველი პირებისაგან, მე გადავწყვიტე, რომ სჯობს, ამ პარტიას ხელი არ შევუშალო თავის შემდგომ წინსვლაში.

ჩემთვის, როგორც პოლიტიკოსისთვის საერთაშორისო პარტნიორების მოსაზრებები ძალიან მნიშვნელოვანია. პოლიტიკური დღის წესრიგის განმსაზღვრელი და გარკვეული ორიენტირი არის მათი მოსაზრებები. ამაზეც განსხვავებული მოსაზრებები მაქვს. არ შეიძლება ხან მოგწონდეს შენი სტრატეგიული პარტნიორების მოსაზრებები, როდესაც ემთხვევა შენს ინტერესს და ხან პირიქით“

რაც შეეხება კითხვას, არის თუ არა ის ბოიკოტისა და პარლამენტში არ შესვლის მომხრე, კობერიძე შემდეგნაირად განმარტავს:

„პარლამენტში შესვლა-არ შესვლა აბსოლუტურად არ არის ყველაზე მთავარი მაფორმირებელი დღეს საამომრჩევლო მოქალაქეებში. ახლა პარლამენტი ისეთ დღეშია, გინდ შესულხარ და გინდ გარეთ გამოსულხარ. შემდეგ არჩევნებამდე თავისი თავი რამენაირად უნდა მიიტანოს“.

შეგახსენებთ, ლევან კობერიძემ „ლელოს“ რიგები დღეს დატოვა.