საქართველოში სამხედრო წრთვნები (კოდური სახელწოდება „Agile Spirit – 2021“) დაიწყო. ინფორმაციას “კომერსანტი” ავცელებს.
წრთვნები 26 ივლისიდან 6 აგვისტომდე გაგრძელდება და მასში ნატოს წევრი 12 ქვეყნის (აშშ-ის ჩათვლით) და არაწევრი 3 ქვეყნის (აზერბაიჯანი, საქართველო, უკრაინა) სამხედრო მოსამსახურეები მონაწილეობენ.
თბილისში თვლიან, რომ ამ სამხედრო წრთვნების ჩატარების ფონი შემთხვევითი არ არის: ავღანეთიდან ნატოს მიერ ჯარების გამოყვანის მიუხედავად, აშშ-ის სარდლობა, ალიანსის წევრ სხვა ქვეყნებთან ერთად, საქართველოში მანევრების გამართვის ტრადიციას აგრძელებს. ვაშინგტონი მიიჩნევს, რომ საქართველო აშშ-სთვის ყველაზე თანმიმდევრულ და ერთგულ მოკავშირეა მთელ პოსტსაბჭოთა სივრცეში. წინა წლებში მსგავსი წრთვნების ჩატარების აუცილებლობა ავღანეთის მისიაში ქართული ქვედანაყოფების მონაწილეობით იყო განპირობებული, სადაც ბოლო მომენტამდე 700 ქართველი სამხედრო მოსამსახურე (ჯარისკაცები და ოფიცრები) იმყოფებოდა კონტრაქტების საფუძველზე. – წერს გამოცემა.
როგორც „კომერსანტს“ ქართული სამხედრო-ანალიტიკური ჟურნალის „არსენალის“ მთავარმა რედაქტორმა ირაკლი ალადაშვილმა უთხრა, „ამერიკის შეერთებულმა შტატებმა ავღანეთში ყოფნის დროს, 20 წლის განმავლობაში, კოლოსალური ენერგია და ფინანსები თითქმის ტყუილად დახარჯეს… იქ, ალბათ, ხელისუფლებაში ისევ თალიბები მოვლენ“. ამჟამად კი, ექსპერტის აზრით, ამერიკელებს, ნატოელ მოკავშირეებთან ერთად, „განზრახული აქვთ, რომ ძალებისა და საშუალებებების კონცენტრირება შავი ზღვის რეგიონში მოახდინონ“, სადაც „მნიშვნელოვნად გაძლიერდა რუსეთი, განსაკუთრებით ყირიმის გაკონტროლების შემდეგ. ასე რომ, მსგავსი წრთვნები, [საქართველოსთვის] ზედმეტი აშკარად არ იქნება.
კომენტარები