ადამიანის უფლებათა დამცველი ორგანიზაციის ბოლო მონაცემებით, ირანში, სულ მცირე, 648 მომიტინგე დაიღუპა, მათ შორის ცხრა არასრულწლოვანი. ნორვეგიაში დაფუძნებული უფლებადამცველი ორგანიზაცია Iran Human Rights (IHR) იუწყება, რომ ზოგიერთი მონაცემით, დაღუპულთა რაოდენობამ 6000-ს გადააჭარბა.
თუმცა, ირანში ინტერნეტის მიმდინარე გათიშვის გამო, “უკიდურესად რთულია ამ ცნობების დამოუკიდებლად გადამოწმება”.
დემონსტრაციების სასტიკი დარბევის ფონზე, ევროპარლამენტმა ყველა ირანელ დიპლომატსა და წარმომადგენელს მის ტერიტორიაზე შესვლა აუკრძალა.
“ევროპარლამენტი ხელს არ შეუწყობს რეჟიმის ლეგიტიმაციას, რომელიც წამებით, რეპრესიებითა და მკვლელობებით ინარჩუნებს თავის ძალას”, – განაცხადა ევროპარლამენტის პრეზიდენტმა, რობერტა მეცოლამ.
კომენტარები