პოლიტიკოსი ანა დოლიძე ივანიშვილის ყოფილი ადვოკატის, ვიქტორ ყიფიანის მიერ პარტიის შექმნას ეხმაურება:
,,ივანიშვილის ადვოკატის მიერ პარტიის დაარსებაზე, ანუ პოლიტიკური ლიდერობის ამბიციაზე:
საარჩევნო კამპანიის დროს 2024 წელს, როდესაც მამუკა ხაზარაძემ გადაწყვიტა კოალიციის სახელით მემორანდუმი გაეფორმებინა მის ნათესავთან, ივანიშვილის ადვოკატთან და მის ორგანიზაციასთან, მე ვიყავი წინააღმდეგი და ეს შეხვედრაზე ვთქვი.
არ მჯეროდა იმ ადამიანის პოლიტიკური კომპეტენციის, რომელიც ბოლო ათწლეულების განმავლობაში ყველა საფრთხისა და საბრძოლი ვითარების დროს, და ასეთი იყო მრავალი, ჩუმად იყო და მურუსიძე-ჩინჩალაძის წინაშე უბრალოდ ფულს აკეთებდა. ასეთ პირს ვერ დავუდასტურებდი პოლიტიკურ კომპეტენციას. მემორანდუმის გაფორმება მაინც გადაწყვტეს, მე შესაბამის დოკუმენტს არ მოვაწერე ხელი და მედია ცერემონიასაც არ დავესწარი. იგივე პოზიცია ჰქონდა შეხვედრაზე კოალიციიდან ლევან ცუცქირიძესაც და არც ის ესწრებოდა.
ახლაც ასე ვფიქრობ. მთავარი მახასიათებელი, რომელიც უნდა ჰქონდეს ქართველ პოლიტიკოსს არის გამბედაობა. მას უწევს ისეთ საკითხებთან შერკინება, რომელსაც დიდი გამბედაობა ჭირდება. იმპერიების გზაგასაყარზე მდგარ ქვეყანას არ აქვს საშუალება სხვანაირი ლიდერები ჰყავდეს, ის უბრალოდ გაქრება. გაიხსენეთ ჩვენი ყველა აღიარებული ლიდერი, ყველა, ყველა ყმაწვილობიდან არის ჩართული პატრიოტულ- საჯარო საქმეში იმიტომ
რომ სხვანაირად შეუძლებელია.
ადამიანი, რომელსაც 20 წელია არც ერთ ბრძოლაში არ გამოჩენილა და 55 წლისამ გადაწყვიტა სხვებს აჩვენოს როგორ კეთდება პოლიტიკა, ამ მახასიათებელს ვერ აკმაყოფილებს. ხალხს რო იჭერდნენ, ცემდნენ, დასდევნენ, უთვალთვალებდნენ, მურუსიძე-ჩუნჩალაძის კლანს აშენებდნენ, აგვისტოს ომი მოხდა, ივანიშვილის ავტოკრატია შენდებოდა პარლამენტში და იუსტიციის საბჭოში, გავრილოვი მოხდა, აგენტების პირველი და მეორე კანონი, რუსებითვის საზღვრები გაიხსნა, უკრაინის ომი დაიწყო და საქართველოს მთავრობა უკრაინას დაუპირისპირდა და აშ. ამ სირთულეებში ადამიანი არც ერთხელ არ გამოჩენილა…
ამ სამსახურს, პოლიტიკურ ლიდერობას, აქვს ასეთი კრიტერიუმები, თორემ შვეიცარიის სასამართლო დარბაზში, სადაც ივანიშვილს მილიარდებს იცავდა, რომლითაც წლებია დაშანტაჟებულები ვართ, ბუნებრივია არავინ უვარდება. ორი მილიარდი, ორი მილიარდი, ვითომ რის გამოც გაეთიშა ივანიშვილი დასავლეთს, ახლაც ჩამესმის ყურებში და აქეთ კი ხალხს ტიტუშკები გვხვდება სახლებთან, დათვის ტყვიებს გვესვრიან.
ივანიშვილის ადვოკატის ფინანსური რესურსი კარგად ჩანს. ყველა სააგენტოში დადებული ხელშეკრულებები, ეთერები, მაღალი ხელფასებით შემოკრებილი პროფესიონალები, ღონისძიებები. ამ რესურსებით მოზიდული ინტერესი იმ სფეროში, სადაც ეს რესურსი ახლა ჭირს. თავად ივანიშვილი დაპირდა ხალხს, 2024 გადამაგორებინეთ და მე შეგიქმნით ახალ
პარტიებსო, რომელსაც ხმას მისცემთო.
თუმცა ეს რესურსი თავისთავად ვერაფერს აკეთებს, ვერც საქართველოში და ვერც მსოფლიოში. თავად რესურსი პოლიტიკაში, მხოლოდ სუნელია, რომელიც კერძს აკეთილშობილებს და რომელსაც ცალკე არავინ მიირთმევს; ხოლო კერძი არის ცეცხლი, რომელსაც პოლიტიკოსი პატრიოტიზმითა და გამბედაობით ასხივებს.
ნორმალურ პირობებში, დაძალების გარეშე, ტაქსის მძღოლმა, ბაღის მასწავლებელმა, მემანქანემ გუშინ გამოჩენილი “ივანიშვილის ადვოკატი” როგორ უნდა შემოხაზოს, არ ვიცი. ანეგდოტია.“
კომენტარები