არაბთა გაერთიანებულ საამიროებში, აბუ-დაბის ერთ-ერთ სამრეწველო ზონაში აფეთქება მოხდა. ინფორმაციას ამის შესახებ სააგენტო Reuters-ი ავრცელებს.
გავრცელებული ინფორმაციით, სულ მცირე, სამი სატრანსპორტო საშუალება აფეთქდა, რომელიც ნავთობპროდუქტებს შეიცავდა.
წინასწარი ინფორმაციით, ინციდენტის მიზეზი უპილოტო საფრენი აპარატების გამოყენებას უკავშირდება.
„მცირე ზომის საფრენი აპარატის ნაწილები აღმოვაჩინეთ, რომელიც შესაძლოა დრონი იყოს, რამაც აფეთქება და ხანძარი გამოიწვია“, – განაცხადეს აბუ-დაბის პოლიციაში.
ბოლო ინფორმაციით, ინციდენტს სამი ადამიანი ემსხვერპლა, ხოლო 6 – დაშავდა.
იემენის ტერიტორიაზე მოქმედმა გასამხედროებულმა დაჯგუფება „ანსარ-ალაჰმა“ (ჰუსიტები) განაცხადა, რომ არაბთა გაერთიანებული საამიროების ტერიტორიაზე თავდასხმა განახორციელა და უახლოეს საათებში განცხადებას გააკეთებს.
კომენტარები