ხევი-უბისას მონაკვეთზე ავტობანის მშენებლობაზე დასაქმებულები გაიფიცნენ. 300-მდე დასაქმებული ხელფასის 30%-ით გაზრდას და სამუშაო პირობების გაუმჯობესებას მოითხოვს.
მათი თქმით, დღიური ანაზღაურება, რომელიც 30 ლარს შეადგენს, არსებული ეკონომიკური კრიზისის ფონზე მინიმალურიც კი არაა, მით უფრო, რომ აღნიშნულ თანხაში საკვები და ტრანსპორტირების ხარჯები შედის და ყველა ხარჯის ანაზღაურება თავად უწევთ ამ 30 ლარიდან.
ადგილზე სამუშაოებს გზების და ხიდების ჩინური კომპანია ასრულებს. კომპანიის წარმომადგენლის თქმით, ისინი საკითხის განსახილველად ერთკვირიან ვადას ითხოვენ და გაფიცულებს მოლაპარაკებაზე ათი ადამიანის შეყვანას სთავაზობენ.
გაფიცულები ამბობენ, რომ დაპირებების აღარ სჯერათ და გადაწყვეტილების დაუყოვნებლივ მიღებას მოითხოვენ, წინააღმდეგ შემთხვევაში აქციის გაგრძელებით იმუქრებიან.
კომენტარები