რუსეთის მედიის მონიტორინგის სახელმწიფო სამსახური, როსკომნადზორი Twitter-ის, Google-ის და Facebook-ის დაჯარიმებას სასამართლოში ითხოვს. მიზეზი კომპანიების უარია, წაშალონ ე.წ. აკრძალული ინფორმაცია.
სასამართლოში უწყებამ Twitter-ზე – ექვსი, ხოლო Facebook-სა და Google-ზე 5 პროტოკოლი გაგზავნა. თითოეული პროტოკოლით ჯარიმის მაქსიმალური რაოდენობა 4 მილიონი რუბლია, შესაბამისად Twitter-ს შესაძლოა 24 მილიონი რუბლის ($321 120), ხოლო დანარჩენ ორ კომპანიას 20 მილიონი რუბლის ($267 600) გადახდა დაეკისროს.
აპრილის დასაწყისში რუსეთის სასამართლომ Twitter-ი თითქმის $117 000-ით დააჯარიმა იმავე მიზეზით, საქმე ეხებოდა იანვარში ამ პლატფორმაზე გამოქვეყნებულ ინფორმაციას, რითაც კრემლის აზრით, რუსეთის მოქალაქეებს მოუწოდებდნენ, გაეპროტესტებინათ რუსი ოპოზიციონერის, ალექსეი ნავალნის დაკავება.
კომენტარები