მეუფე ვახტანგი ეხმაურება ნასვამ მდგოამრეობაში მყოფი სასულიერო პირების “მთავარი არხის” ჯგუფისა და ივერი მელაშვილზე თავდასხმას და ამბობს, რომ საპატრიარქომ უნდა მიიღოს ზომები.
მისივე თქმით, ეს ველურებშიც არ ხდება და მითუმეეტს ცივილიზირებულ ქრისტიანულ სამყაროში არ უნდა ხდებოდეს”.
“ძალადობა, ეს არის დანაშაული, ვისი მხრიდანაც არ უნდა მოდიოდეს და თუ ამას სასულიერო პირები აკეთებდნენ, რა თქმა უნდა, ეს არის დანაშაული და ალბათ საპატრიარქომ უნდა მიიღოს ზომები, რომ ასე არ მოხდეს და ის იყოს უკანასკნელი. ეს ისეთი დღეებია, ბრწყინვალე შვიდეულის.. შესვეს შეიძლება და ჰქონდათ რაღაცა ნადიმი მაგრამ ეს იმას არ ნიშნავს, რომ თავი დაკარგოს ადამიანმა და ყველაფერი დაივიწყოს. ეს ველურებშიც არ ხდება და მითუმეეტს ცივილიზირებულ ქრისტიანულ სამყაროში არ უნდა ხდებოდეს. უნდა ეცნობოს საპატრიარქოს და მიიღონ გარკვეული ზომები ამ თვალსაზრისით, რომ ეს არ განმეორდეს. ეს სხვებისთვის ჭკუის სასწავლებელი იყოს. ეს არის ჩვენი საერთო უბედურება, ასეთი გაუგებრობა და არავის არ აქვს უფლება, ადამიანებზე ზეწოლის, უშვერი სიტყვებით მიმართვის და ცემა-ტყეპის, რაც დღემდე ხდება”, – ამბობს მეუფე ვახტანგი “მთავარ” არხთან საუბრისას.
კომენტარები