მმართველი გუნდის წევრები „ლეიბორისტული პარტიის“ ლიდერის, შალვა ნათელაშვილის გუშინდელ განცხადებას ეხმიანებიან, რომელიც აშშ-ის ელჩს, კელი დეგნანს შეეხება.
„ქართული ოცნების“ დეპუტატი, გურამ მაჭარაშვილი აღნიშნავს, რომ სამწუხაროა, როდესაც ოპოზიციის ერთ-ერთი ლიდერი მსგავსი შინაარსის განცხადებებს ავრცელებს.
„შალვა ნათელაშვილი ერთ-ერთი სახე გახლავთ გაერთიანებული ოპოზიციის, ყოველ შემთხვევაში, ეს მათი არჩევანი იყო, რომელმაც ყველა და ყველაფერი გალანძღა არა მხოლოდ საერთაშორისო პარტნიორები, ელჩიც არ დატოვა, ჩვენი სტრატეგიული პარტნიორი. სამწუხარო ის გახლავთ, რომ ოპოზიციის ერთ-ერთ ლიდერად იყო მიჩნეული, რომლის ფანჩატურშიც ისინი იკრიბებოდნენ“, – ამბობს მაჭარაშვილი.
კომენტარები