ჩვენ მოძალადე მელიას მაინც შევიწყალებთ, ეს არის ჩვენი გადაწყვეტილება – ამის შესახებ “ქართული ოცნების” თავმჯდომარემ, ირაკლი კობახიძემ განაცხადა.
მისივე თქმით, მელიას გადასაწყვეტია, შევა თუ არა პარლამენტში ციხიდან გამოსვლის შემდეგ.
“გვესმის საუბარი მუდმივად იმაზე, რომ მელიას ხან გირაო არ სურს, ხან ამნისტია. გამოდის ციხიდან, ნებისმიერ დროს შეუძლია, გამოვიდეს და ვერ გამოეტია ციხის კარებიდან. რაც შეეხება გირაოს და ამნისტიას, განსაკუთრებით ამნისტიას, ეს არის მელიას გადასაწყვეტი. მას შეუძლია, მიიღოს ამნისტიის კანონი ან არ მიიღოს. ეს შესაძლებლობაც არის ასახული ამნისტიის შესახებ კანონში. თუ მელია არ დაეთანხმება შესაბამის გირაოს, მასზე ამნისტიის კანონი არ გავრცელდება, ესეც არის უზრუნველყოფილი მისთვის. ჩვენ მოძალადე მელიას მაინც შევიწყალებთ, ეს არის ჩვენი გადაწყვეტილება. შეუძლია შემოვიდეს, შეუძლია არ შემოვიდეს პარლამენტში, ეს მისი გადასაწყვეტია” – აცხადებს კობახიძე.
კომენტარები