“ოცნების” ყოფილი წევრები ხელმძღვანელობას კორუფციაში ადანაშაულებენ – დეტალები

ხმაური იყო ზესტაფონის მერიაში – “ქართული ოცნებიდან” გარიცხული წევრი ლავან ჭანტურიძე ქალაქის მერს გიორგი გოგლიჩიძეს კორუფციაში ადანაშაულებს. ჭანტურიძის ადგილზე მისვლას დაპირისპირება მოჰყვა.

ჭანტურიძე ზესტაფონის მერისგან მოითხოვს, გაასაჯაროოს დოკუმენტი, რატომ არის ნასამართლევი. როგორც ჭანტურიძე აცხადებს, ზესტაფონის მერი თაღლითობისთვის გასამართლდა, გოგლიჩიძე კი აცხადებს, რომ პოლიტპატიმარი იყო:

„მე თაღლითობაზე არ ვარ ნასამართლევი. ვარ 210-ე მუხლით გასამართლებული. საქმე ეხებოდა საბუთების გაყალბებას კომპანია „ვისოლიდან“, სადაც არ მიმუშავია. ეს იყო პოლიტიკურად მოტივირებული. ჩემი, როგორც ქალაქის მერის დისკრედიტაცია მიმდინარეობს“, – განაცხადა გოგლიჩიძემ.