რა აქვთ გახარიას და ივანიშვილს საერთო? – ამას დაზუსტებით გეტყვით – თაკო ჩარკვიანი

პარტიის “კანონი და სამართალი” ლიდერი, თაკო ჩარკვიანი, “ტვ პირველის” ეთერში ამბობს:

“გახარია რუსული პროექტია. ამას ზუსტად გეტყვით. ბიძინა ივანიშვილი თავად არის რუსული პროექტი. რუსული რომელ პაიკს გამოწევს, ეგ სხვა თემაა.

ვუსმენდი, ამბობდნენ, წარუმატებელი პროექტი იქნებაო, არ იქნება წარუმატებელი, ოცნების ხმებს წაიღებს. ეს იქნება ახალი ფეიკ პარტია ოცნების. ვისაც ოცნებიდან წამოსვლა უნდა, ვინც ფიქრობს, რომ სირცხვილია ოცნება გერქვას, ვინც განაწყენებულია, ასეთი ადამიანებისთვის… გვაქვს ინფორმაცია, რეკავენ… კიდევ ბევრი წამოვა.

იმისი იმედი, რომ გახარიამ შეიძლება წაიღოს ოპოზიციის ხმები, გამორიცხულია, მაგრამ ოცნების ხმებს წაიღებს. წარმატებას თუ დავარქმევთ იმას, რომ ოცნების მომხრეთა ახალი პარტია შეიქმნას, ეს თუ წარმატება იქნება, კი ბატონო.

რა აქვთ გახარიას და ივანიშვილს საერთო? რუსეთია მათი საერთო.”