საფრანგეთის მთავრობის გადაწყვეტილებით ასტრაზენეკას გამოყენება, ჯერჯერობით, დასაშვებია 55 წლის ზევით – ამის შესახებ ინფორმაციას გაეროს გენერალური მდივნის მრჩეველი გიორგი ფხაკაძე “მეგა ტვ”-თან ავრცელებს:
ჯანდაცვის მსოფლიო ორგანიზაციამ და ევროკავშირის წამლის სააგენტომ ასტრაზენეკასთან დაკავშირებით მიიღო გადაწყვეტილება, რომლის მიხედვითაც ამ ვაქცინის გამოყენება დასაშვებია. საფრანგეთის მთავრობის გადაწყვეტილებით, კი ასტრაზენეკა უნდა იყოს გამოყენებული მხოლოდ 55 წლის ზევით. ამ ასაკის ქვევით, მისი გამოყენება, დროებით, არ შეიძლება.
ამიტომ ვამბობდი, ჯერჯერობით, შეაჩერეთ ვაქცინაცია-მეთქი. ესე იგი, ვიცოდი რაღაც. გავიძახოდი, გვაცადეთ პარასკევამდე-მეთქი. რომ დაგეცადათ, ხომ გადარჩებოდა ჩვენი გოგო, ეს ახალგაზრდა, 27 წლის გოგო?!..
მაინცდამაინც მსხვერპლი იყო საჭირო?
ყველაზე დიდი ანტივაქსერებია ჯანდაცვის სამინისტრო და დაავადებათა კონტროლის ცენტრი, ყველაფერში როგორ შეიძლება შეცდომა დაუშვა?
46 ათასი დოზა შემოიტანეს, 46 ათასს ავცრით და მეორე დოზას მერე გავაკეთებთ, როცა კიდევ შემოვიტანთო! მართლა კურდღლები ხომ არა ვართ? ვაქცინის დეფიციტია, რომ ვერ შემოიტანო ისევ “ასტრაზენეკა?”
ვაქცინაციის ბარათს ვაქცინაციის ნომერიც არა აქვს! გაურკვეველი დოკუმენტია ეს!
ვაქცინის დაძალება არ შეიძლება, ხალხს უნდა უთხრა რა არის კარგი და რა ცუდი. არ გააკეთეს ეს, პირდაპირ დაიწყეს. საინფორმაციო კამპანიაც არაა. ნდობა არ აქვს მოსახლეობას და სრულიად გონივრულად, მეც კი მეპარება ეჭვი მაცივრებზე, არის ის, რაც უნდა იყოს?
ეს ინფორმაცია უკვე ოფიციალურად გაჟღედა და ვთქვი.
რეკომენდაციები:
ვაქცინაციამდე ორი დღით ადრე და ვაქცინაციიდან 2 კვირის განმავლობაში აკრძალულია ალკოჰოლის მიღება. საერთოდაც, მეორე დოზამდე სასურველია ალკოჰოლი არ მიიღოთ.
წამლების ჩამონათვალი, რომელიც ვაქცინაციამდე ორი კვირით ადრე არ უნდა მიიღოთ.
ყველაზე საშიშია იმუნიზაციის გაკეთებიდან პირველი 15 წუთი. ეს დრო დაწესებულებაში უნდა გაატაროთ. უნდა დააკვირდეთ, რამე ცვლილება ხომ არ გაქვთ. თუ რამეს შეატყობთ, მაშინვე უნდა შეატყობინოთ პერსონალს. შემდეგ კიდევ 30 წუთი დარჩით დაწესებულებაში. მერე უკვე შეიძლება სიცხე და ცოტა ტკივილი გქონდეთ, ეს ნორმალურია, მაგრამ თუ სიცხე გაგრძელდა, უნდა დაუკავშირდეთ ექიმებს”
გიორგი ფხაკაძე იმასაც ამბობს, რომ მეგის გარდაცვალება ვაქცინაციის კი არა, ჯანდაცვის სისტემის ბრალია.
კომენტარები