დღეს სამინისტროში შეიკრიბება იმუნიზაციის ექსპერტთა ჯგუფი, ასევე გვერდითი მოვლენების მართვის კომიტეტი, რომელიც მიიღებს გადაწყვეტილებას ვაქცინაციის პროცესის შემდგომი გაგრძელებისა და ფორმატის შესახებ, როგორ მოხდება ამ მოვლენის შემდეგ ვაქცინაციის პროგრამის განვითარება ჩვენს ქვეყანაში, „ასტრაზენეკას“ ვაქცინაზე ვსაუბრობ, – ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
„როგორც მოგეხსენებათ, ორშაბათს ქვეყანაში „ასტრაზენეკათი“ კოვიდის საწინააღმდეგო ვაქცინაცია დაიწყო. ვაქცინირებულ პირთა რაოდენობა ამ დროისთვის 3500-ზე მეტია. დღეს 16:00 საათისთვის სამინისტროში შემოვიდა ინფორმაცია იმის შესახებ, რომ აცრის შემდგომ პერიოდში სამედიცინო პერსონალს, ახალციხის „იმედის“ კლინიკაში დაუფიქსირდა გვერდითი რეაქცია, რომელიც სავარაუდოდ შესაძლოა, დაკავშირებული იყოს ვაქცინაციასთან. მომხდარზე დაიწყო მოკვლევა ამ შემთხვევის პროტოკოლის შესაბამისად, შესწავლა დაიწყო რეგულირების სააგენტომ.
პაციენტის მდგომარეობა მძიმეა ამ დროისათვის.
დღეს სამინისტროში იქნება შეხვედრა, რომლის დროსაც მივიღებთ გადაწყვეტილებას ვაქცინაციის გაგრძელებასთან დაკავშირებით.
აქვე მინდა ავღნიშნო, რომ ასტრაზენეკას ვაქცინას მსგავსი გვერდითი რეაქცია უკვე აქვს დაფიქსირებული მოსალოდნელ რეაქციებში, 5 მილიონიდან 41 შემთხვევა იყო. ბრიტანეთის მონაცემებით 5 მილიონიდან 41 იყო ანაფელაქსიის ტიპის გვერდითი მოვლენა. ამის გამო, ანაფელაქსიის გამო, არც ერთ ქვეყანას ვაქცინაცია არ შეუჩერებია. ექსპერტები იმსჯელებენ, შეჩერდეს, თუ არა საქართველოში ვაქცინაცია.”
კომენტარები