მედიცინის მეცნიერებათა დოქტორი, ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი, სოციალურ ქსელში, წერს:
“იმ მომენტში როდესაც საქართველოში რატომღაც მაინც მიდის საუბარი ჩინური ვაქცინის შემოტანაზე (კარგია რომ ჯერ რუსულზე არ ლაპარაკობენ აქტიურად) საინტერესოა ერთი მომენტი, ყველა აღნიშნავს იმ ფაქტს რომ იმ მომენტში როდესაც ეს ქვეყნები სხვას სთავაზობენ ვაქცინას, თავის ქვეყანაში ამ ვაქცინებით მოცვა ძალზედ დაბალია…არაფერს ვამბობ რომ არ არსებობს არანაირი სანდო დოკუმენტი რომელიც ამ ვაქცინების ეფექტურობასა და უსაფრთხოებაზე იძლეოდეს სანდო ინფორმაციას.
ჩინეთში სადაც გამოიყენეს მკაცრი, მაგრამ ეფექტური საკარანტინო ზომები, რათა Sars-CoV-2 წარმატებით შეიკავავებინათ და ქვეყანა ცხოვრების ჩვეულებრივ რიტმს დაუბრუნებოდა პირველი ვაქცინების ავტორიზაცია გაიცა 2020 ივლისში და მიუხედავად ამისა ამ დროისთვის ქვეყნის მხოლოდ 4% არის ვაქცინირებული.
ქვეყანა მიზნად ისახავს მოსახლეობის 40% –ის ინოკულაციას ივლისისთვის, რაც მიზნად ისახავს დღეში დაახლოებით 4 მილიონი აცრის ჩატარებას დღეში. დღეისათვის ეს მონაცემი მხოლოდ 640,000 – ს შეადგენს დღეში.
ამავე დროს პეკინს აქვს აღებული ვალდებულება საზღვარგარეთის ქვეყნებისთვის მინიმუმ 463 მილიონი დოზის მიწოდებასთან დაკავშირებით, მათგან ბევრი როგორც შემოწირულობა სტრატეგიული პარტნიორებისთვის. თუმცა საწარმოო სიმძლავრეების შესახებ ინფორმაცია ცნობილი არ არის და ბევრი ეჭვობს რომ ჩინეთი ამას უფრო იმისთის აკეთებს რომ მსოფლიოს ჩინეთის გლობალური ლიდერის მაგალითი აჩვენოს.
რუსეთმა უფრო ძლიერი დარტყმა მიიღო ამ პანდემიის დროს, ოფიციალური მონაცემებით 90,000 ადამიანის სიცოცხლე დაკარგა.
ამ თვეში რუსების გამოკითხვამ აჩვენა, რომ ორ მესამედს არ სურს მიიღოს Sputnik-V ადგილობრივად მიღებული ვაქცინა, მიუხედავად რეცენზირებული გამოკვლევებისა, რომ ეს უსაფრთხო და ეფექტურია. მათი სკეპტიციზმი კორონავირუსის წარმოშობამდე ვრცელდებოდა, 64% მიიჩნევს, რომ ეს ბიოლოგიური იარაღია, ნათქვამია დამოუკიდებელ გამოკითხვაში. მეორე ფაქტორია კი ის არის რომ მიუხედავად იმისა, რომ სახელმწიფომ გაყიდა Sputnik-V საზღვარგარეთ, მან რუსეთში ვაქცინის პოპულარიზაციისთვის თითქმის არაფერი არ გააკეთა.
მოკლედ ჩინეთიც და რუსეთიც ცდილობს ვაქცინით თავისი ადგილი გააძლიეროს მსფლიოს რუკაზე, ამ დროს კი საკუთარ ქვეყნებში არც ვაქცინის პოპულარიზაციით და არც მის ეფექტურობაზე საუბრით არის დაინტერესებული
ასე რომ ალბათ სჯობს საქართველომ თავისი ინტერესები სხვა ვაქცინებისკენ მიმართოს (ჯონსონო და ჯონსონი და ნოვოვაქსი) და ამ უინფორმაციო ვაქცინებზე უარი განაცხადოს. მითუმეტეს თუკი გავითვალისწინებთ თუ როგორი უნდობლობაა ვაქცინების მიმართ საქართველოში და როგორ არაფერი გაკეთებულა ამ უნდობლობის ცოტათი მაინც შესამცირებლად. ჩინური და რუსული ვაქცინის შემოტანით კი შესაძლებელია ძალზედ შორს გადაიწიოს პერსპექტივა ვაქცინაციით ისეთ მოცვას მივაღწიოთ რომ ცოტათი მაინც ამოვისუნთქოთ, თუნდაც მომავალი წლის დასაწყისისთვის”
კომენტარები