პოლიტოლოგი, ლევან ლორთქიფანიძე, მინისტრ ნათია თურნავას განცხადებას ეხმაურება და პრემიერ ირაკლი ღარიბაშვილს მიმართავს:
“რა თავხედური კომენტარია !!!
დიახ, მინისტრის გადაყენება პრემიერ-მინისტრის პრეროგატივაა. მოქალაქის კი შეუძლია მოთხოვოს პრემიერს მის ხელთ არსებული ბერკეტების გამოყენება. ეს არის დემოკრატიული ლოგიკა, რომელიც თურნავას არ აქვს. თურნავას ლოგიკით, მოქალაქეს არაფერი ეკითხება და ყველაფერი ერთმა კაცმა უნდა გადაწყვიტოს.
გუშინწინ დაიწყო გერმანიაში სუპერ საარჩევნო წელი. 2021 წელს ექვს ფედერალურ მიწაზე გაიმართება არჩევნები, დამატებით დანიშნულია ბუნდესტაგის არჩევნები. ყველაგან მთავარი თემა ეკოლოგიაა!!! ეკოლოგიური საკითხი პოლიტიკური საკითხია! დიახ, დინოზავრო, ეს ასეა!
ირაკლი, გადააყენე ეს ქალი! არაფერში არ გჭირდება! მისნაირი არ დანიშნო მის ნაცვლად! დაამტკიცე, რომ რაღაც შეგიძლია!”
შეგახსენებთ, მინისტრმა ნათია თურნავამ ნამოხვანჰესის აშენების მოწინააღმდეგეებს ასე უპასუხა:
“რაც შეეხება გადადგომას ან დანიშვნას, ყველას შევახსენებ, რომ საქართველოს მთავრობის წევრის გადაყენება ან დანიშვნა, ეს არის პრემიერ-მინისტრის პრეროგატივა და არა რომელიმე აქტივისტის მიერ აქციაზე გაჟღერებული მოთხოვნა.“
მინისტრმა მისი გადადგომის მოთხოვნას ულტიმატუმი უწოდა და თქვა რომ აქციის მონაწილეთა მიერ, მინისტრის გადადგომის მოთხოვნას კავშირი არა აქვს ეკოლოგიასთან, თითქოს, იმ ხელშეკრულებას ჰქონდეს რამე კავშირი ეკოლოგიასთან, რომელი ხელშეკრულებაც უცხოურ კომპანიასთან დადო და რომელი ხელშეკრულების კაბალური პირობებისთვისაც ედავებიან მინისტრს.
მინისტრ ნათია თურნავას განცხადებით, მისთვის მიუღებელია მინისტრ ნათია თურნავას გადადგომის მოთხოვნა:
„პირველ რიგში, მინდა, ვთქვა, რომ ეს საპროტესტო მოძრაობა სულ უფრო რადიკალური ხდება, რადიკალიზაციისკენ მიდის და ამის დასტურია, რომ გუშინდელ აქციაზე გაისმოდა წმინდა პოლიტიკური მოთხოვნები, რასაც არანაირი კავშირი არ აქვს ეკოლოგიასთან, პროექტთან დაკავშირებულ საკითხებთან, წმინდა პოლიტიკური მოთხოვნები და რასაკვირველია, ჩვენთვის მიუღებელია ულტიმატუმის ენა.“
კომენტარები